വിദേശത്തു പഠനത്തിന് പോകാൻ പണം നൽകി സഹായിച്ചത് കാമുകൻ!! യാത്രയ്ക്ക് ദിവസം അടുത്ത് വന്നതോടെ തനിക്ക് ബന്ധം തുടരാന് താത്പര്യമില്ലെന്ന് പെണ്കുട്ടി, പിന്നെ ഒന്നും നോക്കിയില്ല, പ്രണയബന്ധത്തില് നിന്ന് പിന്മാറി; പെണ്കുട്ടിയ്ക്ക് നേരെ അതിക്രമം, യുവാവ് അറസ്റ്റില്
കേരളത്തിൽ വീണ്ടും പ്രണയമെന്ന രീതിയിൽ അതിക്രമം. കോട്ടയം എരുമേലിൽ പ്രണയ ബന്ധത്തിൽ നിന്നും പിന്മാറിയ പെൺകുട്ടിക്കുനേരെ ആക്രമം. വിദേശത്ത് ഉപരിപഠനത്തിന് പോകുന്നതിനെ തുടര്ന്ന് പ്രണയം അവസാനിപ്പിച്ച പെണ്കുട്ടിയ്ക്ക് നേരെയാണ് കാമുകന്റെ അക്രമം നടന്നത്.
സംഭവത്തില് കോട്ടയം എരുമേലി സ്വദേശി ആഷിഖ് അറസ്റ്റിലായി. പെണ്കുട്ടിയെ വീട്ടില് കയറി മര്ദ്ദിച്ചതിനും ഭീഷണിപ്പെടുത്തുകയും ചെയ്തതിനാണ് അറസ്റ്റ് രേഖപ്പെടുത്തിയത്.
ഞായറാഴ്ച ഉച്ചകഴിഞ്ഞ് മൂന്നര മണിയോടെയാണ് സംഭവം. ആഷിഖ് പെണ്കുട്ടിയെ വീട്ടില് അതിക്രമിച്ച് കയറി ആയിരുന്നു മർദ്ദനം. പത്തനംതിട്ട വെച്ചൂച്ചിറ വെണ്കുറിഞ്ഞി സ്വദേശിയായ 23 വയസ്സുള്ള യുവതിക്കാണ് മര്ദ്ദനമേറ്റത്.
പെണ്കുട്ടിയും ആഷിഖും സ്കൂള് കാലഘട്ടം മുതല് പ്രണയത്തിലായിരുന്നു എന്നാണ് പോലീസിന്റെ വാക്കുകൾ. എന്നാല് പ്രണയം അവസാനിപ്പിക്കാമെന്ന് യുവതി പറഞ്ഞു തുടങ്ങിയതോടുകൂടിയാണ് പ്രശ്നങ്ങൾക്ക് ആരംഭം കുറിക്കുന്നത്.
പെണ്കുട്ടി യു.കെയില് ഉപരിപഠനത്തിന് പോകാന് തീരുമാനിച്ചപ്പോള് പാസ്പോര്ട്ട് എടുക്കാനായി 1500 രൂപ നല്കിയത് ആഷിഖ് ആയിരുന്നു. എന്നാല് യാത്രയ്ക്ക് ദിവസം അടുത്ത് വന്നതോടെ തനിക്ക് ബന്ധം തുടരാന് താത്പര്യമില്ലെന്ന് പെണ്കുട്ടി അറിയിച്ചതോടെയാണ് യുവാവ് പ്രകോപിതനായത്.
ഞായറാഴ്ച ഇരുവരും എരുമേലിയില് വെച്ച് കണ്ടുമുട്ടിയപ്പോള് തനിക്ക് പ്രണയം തുടരാന് താത്പര്യമില്ലെന്ന് പെണ്കുട്ടി അറിയിക്കുകയായിരുന്നു. തന്റെ ബൈക്കിന്റെ പിന്നില് കയറാന് ആഷിഖ് നിര്ബന്ധിച്ചുവെങ്കിലും യുവതി വഴങ്ങാതെ വീട്ടിലേക്ക് പോയി. പിന്തുടര്ന്ന് ഇവരുടെ വീട്ടിലെത്തിയ ശേഷം ആഷിഖ് പെണ്കുട്ടിയെ മര്ദ്ദിക്കുകയായിരുന്നു. യുവതിക്ക് കാര്യമായി പരിക്കുകളില്ല.
https://www.facebook.com/Malayalivartha