സുഹൃത്തിന്റെ വീട്ടിലേക്ക് പോകുന്നുന്നതിനിടെ പിന്തുടർന്ന തെരുവ് നായയുടെ കടിയേൽക്കാതിരിക്കാൻ നടപ്പാതയിൽ നിന്ന് റോഡിലേക്ക് ഓടിയ യുവാവ് കാറ് ഇടിച്ചു മരിച്ചു.

തലായിയിലെ വലിയ പറമ്പത്ത് വി.പി.അബ്ദുൽ മജീദിന്റെയും സമീറയുടെയും മകൻ മുഹമ്മദ് നിഹാൽ(20) ആണ് മരിച്ചത്.

സുഹൃത്തിന്റെ വീട്ടിലേയ്ക്കുള്ള യാത്രയ്ക്കിടെയായിരുന്നു നിഹാലിന് നേരെ പട്ടി കുരച്ചു ചാടിയത്. പട്ടി പിന്തുടർന്നപ്പോൾ ഓടുന്നതിനിടെ ‍പുറമേരി ഭാഗത്ത് നിന്ന് അമിത വേഗത്തിൽ എത്തിയ കാറ്

ഇടിക്കുകയായിരുന്നു. കോഴിക്കോട്ട് സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്ന നിഹാൽ കഴിഞ്ഞ ദിവസം മരണത്തിന് കീഴടങ്ങുകയായിരുന്നു. 

മുസ്‌ലിം യൂത്ത് ലീഗ് തലായി ശാഖാ വൈസ് പ്രസിഡന്റാണ് നിഹാൽ.