ഇരിട്ടിയില് കുരങ്ങുശല്യം രൂക്ഷം...... ബസിനു നേരെ കുരങ്ങുകള് കരിക്ക് എറിഞ്ഞു...മുന്ഭാഗത്തെ ചില്ല് പൊട്ടി രണ്ട് യാത്രക്കാര്ക്ക് പരിക്ക്
ഇരിട്ടിയില് കുരങ്ങുശല്യം രൂക്ഷം...... ബസിനു നേരെ കുരങ്ങുകള് കരിക്ക് എറിഞ്ഞു...മുന്ഭാഗത്തെ ചില്ല് പൊട്ടി രണ്ട് യാത്രക്കാര്ക്ക് പരിക്ക്.
ഇരിട്ടിയില്നിന്നും പൂളക്കുറ്റിക്ക് നെടുംപൊയില്, വാരപ്പീടിക വഴി സര്വീസ് നടത്തുന്ന സെയ്ന്റ് ജൂഡ് ബസിനുനേരെയാണ് കുരങ്ങുകള് അക്രമം കാട്ടിയത്.
ഓടിക്കൊണ്ടിരുന്ന ബസിനു നേരെ റോഡരികിലെ തെങ്ങില് നിന്നായിരുന്നു ഉന്നം തെറ്റാതെയുള്ള ഏറ്. ചില്ല് തകര്ന്നതിനെത്തുടര്ന്ന് ഒന്നരദിവസത്തെ സര്വീസ് മുടങ്ങി.
നഷ്ടപരിഹാരം നല്കാന് വകുപ്പില്ലെന്നാണ് വനം വകുപ്പില്നിന്നും ബസുടമയ്ക്ക് കിട്ടിയ മറുപടി. മുന്നിലെ ചില്ല് മാറ്റാന് മാത്രം ഉടമ ചെക്കാനിക്കുന്നേല് ജോണ്സന് 17,000 രൂപ ചെലവായി.
മൂന്ന് ബസുകള് സര്വീസ് നടത്തിയിരുന്ന ഈ റൂട്ടില് ഇപ്പോള് ഒരു ബസ് മാത്രമാണ് ഓടുന്നത്. പ്രദേശത്ത് കുരങ്ങ് ശല്യം രൂക്ഷമായതോടെ കാല്നടയാത്രക്കാര്ക്കും ബസ് ഉള്പ്പെടെയുള്ള വാഹനങ്ങള്ക്കും നേരേ വാനരപ്പട പതിയിരുന്ന് ആക്രമണം പതിവാണ്.
https://www.facebook.com/Malayalivartha
