തിരുവനന്തപുരം ബാലരാമപുരത്ത് രാത്രിയില് ആള്പ്പാര്പ്പില്ലാത്ത സ്ഥലത്തെ കിണറ്റിന് കരയില് ഇരുന്ന് മദ്യപിച്ച മൂന്നു പേര് കിണറ്റിലേക്ക് വീണു....ഒരാള് മരിച്ചു, രണ്ടു പേരെ രക്ഷപ്പെടുത്തി
തിരുവനന്തപുരം ബാലരാമപുരത്ത് രാത്രിയില് ആള്പ്പാര്പ്പില്ലാത്ത സ്ഥലത്തെ കിണറ്റിന് കരയില് ഇരുന്ന് മദ്യപിച്ച മൂന്നു പേര് കിണറ്റിലേക്ക് വീണു....ഒരാള് മരിച്ചു, രണ്ടു പേരെ രക്ഷപ്പെടുത്തി.
ബാലരാമപുരം ഐത്തിയൂര് തെങ്കറക്കോണത്തിനു സമീപം തിങ്കളാഴ്ച രാത്രി ഒന്പത് മണിയോടെയാണ് സംഭവം നടന്നത്. പൂവാര് സ്വദേശിയായ സുരേഷ്(35) ആണ് മരിച്ചത്. ഐത്തിയൂര് സ്വദേശികളായ മഹേഷ്, അരുണ്സിങ് എന്നിവരാണ് മറ്റു രണ്ടുപേര്.
മൂന്നു പേരും മദ്യപിക്കുന്നത് അയല്വാസികളുടെ ശ്രദ്ധയില്പ്പെട്ടിരുന്നു. ഉച്ചത്തിലുണ്ടായിരുന്ന സംസാരം പെട്ടെന്നു കേള്ക്കാതായതോടെയാണ് അയല്വാസികള് ശ്രദ്ധിച്ചത്.ഉടനെ ഇവര് ബാലരാമപുരം പോലീസിലും അഗ്നിരക്ഷാസേനയെയും വിവരമറിയിച്ചു.
സ്ഥലത്തെത്തിയ നെയ്യാറ്റിന്കര അഗ്നിരക്ഷാസേനാ അംഗങ്ങള് മൂന്നുപേരെയും കിണറ്റില്നിന്നു കരയില് കയറ്റി. എന്നാല്, സുരേഷ് അപ്പോഴേക്കും മരിച്ചിരുന്നു. മഹേഷ് ബാലരാമപുരം പോലീസ് കസ്റ്റഡിയില് . അരുണ്സിങ്ങിനെ മെഡിക്കല് കോളേജ് ആശുപത്രിയില് പ്രവേശിപ്പിച്ചു.
"
https://www.facebook.com/Malayalivartha
