നിരവധി മാറ്റങ്ങളോടെ ബി.ജെ.പി സംസ്ഥാന ഭാരവാഹി പട്ടിക പുറത്തിറക്കി! നടന് കൃഷ്ണകുമാര് ബി.ജെ.പി ദേശീയ കൗണ്സിലില്..
ബി ജെ പിയിൽ അടിമുടി അഴിച്ച് മാറ്റം. അഞ്ച് ജില്ല പ്രസിഡന്റുമാരെ മാറ്റി. കാസര്കോട്, വയനാട്, പാലക്കാട്, കോട്ടയം, പത്തനംതിട്ട ജില്ലകളിലാണ് മാറ്റം. ജനറല് സെക്രട്ടറിമാര്ക്ക് മാറ്റമില്ല. എ.എന്. രാധാകൃഷ്ണനും ശോഭാ സുരേന്ദ്രനും വൈസ് പ്രസിഡന്റുമാരായി തുടരും.
നടന് കൃഷ്ണകുമാറിനെ ബി.ജെ.പി ദേശീയ കൗണ്സിലില് ഉള്പ്പെടുത്തി. ഇന്നിറങ്ങിയ ഭാരവാഹി പട്ടികയിലാണ് കൃഷ്ണകുമാറിന്റെ പേരുള്ളത്. അടുത്ത കാലത്ത് ബി.ജെ.പിയില് സജീവമായ കൃഷ്ണകുമാര് നിയമസഭ തെരഞ്ഞെടുപ്പില് തിരുവനന്തപുരത്തു നിന്ന് മത്സരിച്ച് തോറ്റിരുന്നു.നിരവധി മാറ്റങ്ങളോടെയാണ് ബി.ജെ.പി സംസ്ഥാന ഭാരവാഹി പട്ടിക പുറത്തിറക്കിയത്. അധ്യക്ഷ സ്ഥാനത്തുനിന്ന് മാറ്റുമെന്ന് പ്രചരിച്ചിരുന്ന കെ. സുരേന്ദ്രനാണ് പട്ടിക പുറത്തിറക്കിയത്. ഇതോടെ സുരേന്ദ്രന് അധ്യക്ഷ സ്ഥാനത്ത് തുടരുമെന്ന് ഉറപ്പിച്ചു.
സംസ്ഥാന ഓഫിസ് സെക്രട്ടറിയെയും മാറ്റി. ജയരാജ് കൈമളാണ് പുതിയ ഓഫിസ് സെക്രട്ടറി. കോണ്ഗ്രസില്നിന്ന് എത്തിയ പന്തളം പ്രതാപന് സംസ്ഥാന സെക്രട്ടറിയാകും. മൂന്ന് പുതിയ വക്താക്കളും പട്ടികയില് ഇടം നേടി. എ.എന്. രാധാകൃഷ്ണന്, ശോഭ സുരേന്ദ്രന്, ഡോ. കെ.എസ്. രാധാകൃഷ്ണന്, ഡോ. പ്രമീള, സി. സദാനന്ദന് മാസ്റ്റര്, വി.ടി. രമ, വി.വി. രാജന്, സി. ശിവന്കുട്ടി, പി. രഘുനാഥ്, അഡ്വ. ബി. ഗോപാലകൃഷ്ണന് എന്നിവരാണ് വൈസ് പ്രസിഡന്റുമാര്. എം.ടി. രമേശ്, അഡ്വ. ജോര്ജ് കുര്യന്, സി. കൃഷ്ണ കുമാര്, അഡ്വ. പി. സുധീര്, എം. ഗണേഷ്, കെ. സുഭാഷ് എന്നിവര് ജനറല് സെക്രട്ടറിമാരായി തുടരും. അഡ്വ. ഇ. കൃഷ്ണദാസാണ് ട്രഷറര്.
https://www.facebook.com/Malayalivartha
