വർക്കലയിൽ പട്ടാപകൽ യുവതിയെ ആക്രമിച്ച് താലിമാല പൊട്ടിച്ചു കടന്നു കളഞ്ഞു; ഇത് രണ്ടാം തവണ
വർക്കലയിൽ ബൈക്കിലെത്തിയ രണ്ടുപേര് നടുറോഡില് വച്ച് യുവതിയെ ആക്രമിച്ച് താലിമാല പൊട്ടിച്ചു കടന്നു കളഞ്ഞു. ചെമ്മരുതി പനയറ, കിഴക്കുംകര വീട്ടില് സൗമ്യ സജീവാണ് (35) ആക്രമണത്തിനും കവര്ച്ചക്കും ഇരയായിരിക്കുന്നത്. പനയറ ക്ഷേത്രത്തിന് മുന്നിലെ റോഡിലാണ് ആക്രമണവും കവര്ച്ചയും നടന്നിരിക്കുന്നത്.
പ്രിയദര്ശിനി പാലിയേറ്റീവ് കെയറിലെ നഴ്സിങ് അസിസ്റ്റന്റാണ് സൗമ്യ. ചൊവ്വാഴ്ച വൈകീട്ട് നാലേമുക്കാലോടെ ജോലി കഴിഞ്ഞ് വീട്ടിലേക്ക് മടങ്ങുന്ന വഴിക്കാണ് സംഭവം നടന്നത്. ബൈക്കിന് പിന്നിലിരുന്നയാള് സൗമ്യയുടെ തലയ്ക്ക് ശക്തിയായി അടിച്ച ശേഷം കഴുത്തിലണിഞ്ഞിരുന്ന രണ്ടര പവന്റെ താലിമാല പൊട്ടിച്ചെടുത്ത് കല്ലമ്പലം ഭാഗത്തേക്ക് കടന്നു കളയുകയായിരുന്നു.
പനയറ മേഖലയില് ഏതാനും ദിവസങ്ങളായി മോഷണവും കവര്ച്ചയും പതിവായി തുടർന്ന് കൊണ്ടിരിക്കുകയാണ്. രണ്ട് ദിവസം മുന്പ് രാത്രിയില് പനയറ എസ്.എസ് ലാന്ഡില് സുശീലയുടെ വീടിന്റെ വാതില് തകര്ത്ത് രണ്ടര പവന്റെ സ്വര്ണ്ണം കവര്ച്ച ചെയ്തിരുന്നു.
https://www.facebook.com/Malayalivartha
