നിയന്ത്രണം വിട്ട ബസ് സ്കൂട്ടറിലിടിച്ച് യുവാവിന് ദാരുണാന്ത്യം....ബസിനടിയില്പെട്ട സ്കൂട്ടര് യാത്രക്കാരെ ക്രെയിന് എത്തിച്ച് ബസ് ഉയര്ത്തിയാണ് പുറത്തെടുത്തത്, സഹോദരന് ഗുരുതര പരിക്ക്
നിയന്ത്രണം വിട്ട ബസ് സ്കൂട്ടറിലിടിച്ച് യുവാവിന് ദാരുണാന്ത്യം....ബസിനടിയില്പെട്ട സ്കൂട്ടര് യാത്രക്കാരെ ക്രെയിന് എത്തിച്ച് ബസ് ഉയര്ത്തിയാണ് പുറത്തെടുത്തത്, സഹോദരന് ഗുരുതര പരിക്ക്.
പുതിയങ്ങാടി മൊട്ടാമ്പ്രത്തെ അച്ചുമ്മാടകത്ത് ശെരീഫാണ് (36) മരിച്ചത്. കൂടെ യാത്ര ചെയ്ത സഹോദരന് മന്സൂറിനെ (52) ഗുരുതര പരിക്കുകളോടെ കണ്ണൂരിലെ സ്വകാര്യ ആശുപത്രിയില് പ്രവേശിപ്പിച്ചു.
ചൊവ്വാഴ്ച വൈകീട്ട് 6.45ഓടെ ദേശീയപാതയിലെ എടാട്ട് കണ്ണങ്ങാട്ട് സ്റ്റോപ്പിന് സമീപമാണ് അപകടം നടന്നത്. കണ്ണൂരില് നിന്നും പയ്യന്നൂരിലേക്ക് വരുകയായിരുന്ന സ്വകാര്യ ബസാണ് നിയന്ത്രണം വിട്ട് സ്കൂട്ടറിലിടിച്ചത്.
നിയന്ത്രണം വിട്ട് വലത്തേക്ക് തിരിഞ്ഞ ബസ് എതിര്ദിശയില് വരുകയായിരുന്ന സ്കൂട്ടറിലേക്ക് ഇടിച്ചുകയറി റോഡരികിലെ കാട്ടില് നില്ക്കുകയായിരുന്നു. അര മണിക്കൂറോളം ഇവര് ബസിനടിയില് കുടുങ്ങിയ നിലയിലായിരുന്നുവെന്ന് ദൃക്സാക്ഷികള് പറഞ്ഞു.
വിവരമറിഞ്ഞ് പയ്യന്നൂര് പൊലീസും നൂറുകണക്കിന് നാട്ടുകാരും സംഭവസ്ഥലത്തെത്തി. അപകടത്തില്പെട്ടവരെ പുറത്തെടുത്ത ഉടന് മെഡിക്കല് കോളജ് ആശുപത്രിയിലെത്തിച്ചെങ്കിലും ശെരീഫിനെ രക്ഷിക്കാനായില്ല.
https://www.facebook.com/Malayalivartha