പയ്യാവൂരിലെ കാർ ആക്‌സിഡന്റിൽ യുവതി മരണപെട്ടു. കുടിയാന്മല സ്വദേശി ബിനീഷ് വാഴപ്ലാക്കലും കുടുംബവും സഞ്ചരിച്ച കാറാണ് ബുധനാഴ്‌ച്ച വൈകുന്നേരം അപകടത്തില്‍പ്പെട്ടത്. ഗുരുതരമായി പരിക്കേറ്റ ബിനീഷിന്റെ ഭാര്യ സോജിയാണ് മരിച്ചത്.

ഇരിട്ടി ഭാഗത്തു നിന്നും പയ്യാവൂരിലേക്ക് വരുമ്ബോഴാണ് റോഡിനു സമീപത്തെ പേരമരത്തില്‍ നിയന്ത്രണം വിട്ട കാര്‍ ഇടിച്ചു മറിഞ്ഞത്. ഓടിക്കൂടിയെത്തിയ നാട്ടുകാരുടെ സഹായത്തോടെ കാറിലുണ്ടായിരുന്നവരെ പുറത്തെടുക്കുകയായിരുന്നു. തലകീഴായി മറിഞ്ഞ കാറിനകത്തുണ്ടായിരുന്ന സോജിക്ക് ഗുരുതരമായി പരുക്കേല്‍ക്കുകയും മരണമടയുകയുമായിരുന്നു.