വന്യജീവികളെ സംരക്ഷിക്കണം, എന്നാല് മനുഷ്യ ജീവിതവും കൂടി സംരക്ഷിക്കേണ്ട ഉത്തരവാദിത്തം സര്ക്കാരിനുണ്ട്;വന്യജീവികളുടെ ആക്രമണത്തില് നിന്നും ജനങ്ങളുടെ ജീവനും ജീവനോപധികളും സംരക്ഷിക്കാന് സംസ്ഥാന സര്ക്കാര് സമഗ്രമായ പദ്ധതി തയാറാക്കണമെന്ന് അടിയന്തിര പ്രമേയത്തിലൂടെ ആവശ്യപ്പെട്ട് പ്രതിപക്ഷ നേതാവ്
വന്യജീവികളുടെ ആക്രമണത്തില് നിന്നും ജനങ്ങളുടെ ജീവനും ജീവനോപധികളും സംരക്ഷിക്കാന് സംസ്ഥാന സര്ക്കാര് സമഗ്രമായ പദ്ധതി തയാറാക്കണമെന്ന് അടിയന്തിര പ്രമേയത്തിലൂടെ ആവശ്യപ്പെട്ടുവെന്ന് പ്രതിപക്ഷ നേതാവ് . തന്റെ ഫെയ്സ്ബുക്ക് കുറിപ്പിലൂടെയാണ് ഈ വിവരം അദ്ദേഹം അറിയിച്ചിരിക്കുന്നത്.കുറിപ്പിന്റെ പൂർണ്ണ രൂപം ഇങ്ങനെ;
വന്യജീവികളുടെ ആക്രമണത്തില് നിന്നും ജനങ്ങളുടെ ജീവനും ജീവനോപധികളും സംരക്ഷിക്കാന് സംസ്ഥാന സര്ക്കാര് സമഗ്രമായ പദ്ധതി തയാറാക്കണമെന്ന് അടിയന്തിര പ്രമേയത്തിലൂടെ ആവശ്യപ്പെട്ടു. വന്യജീവികളെ സംരക്ഷിക്കണം, എന്നാല് മനുഷ്യ ജീവിതവും കൂടി സംരക്ഷിക്കേണ്ട ഉത്തരവാദിത്തം സര്ക്കാരിനുണ്ട്.
ആഗോള, ദേശീയ വിദഗ്ധരുമായി കൂടിയാലോചിച്ച് കേരളത്തിന്റെ ഭൂമിശാസ്ത്ര പശ്ചാത്തലത്തില് വേണം സമഗ്ര പദ്ധതി ആവിഷ്ക്കരിക്കേണ്ടത്. ഇനിയും കൂടുതല് ജീവനുകള് നഷ്ടപ്പെടുത്താതെ സമയബന്ധിതമായി പദ്ധതി നടപ്പിലാക്കണം. ഇതിനായി സി.സി.എഫിന്റെ നേതൃത്വത്തില് പ്രത്യേക വിഭാഗം രൂപീകരിക്കണം.
ആവാസ വ്യവസ്ഥയിലുണ്ടായ മാറ്റമാണ് വന്യജീവികള് ജനവാസമേഖലകളിലേക്ക് ഇറങ്ങാനുള്ള മൂലകാരണം. വനാതിര്ത്തികളില് വന്യജീവികളെ ആകര്ഷിക്കുന്ന തരത്തിലുള്ള കൃഷിരീതി മാറ്റുന്നതിനെ കുറിച്ചും ആലോചിക്കണം.
പരമ്പരാഗതമായ ആനത്താരകള് സംരക്ഷിക്കാനും കുടിവെള്ള സ്രോതസ് വനത്തിനുള്ളില് സജ്ജീകരിക്കാനും സര്ക്കാര് പദ്ധതിയുണ്ടാക്കണം. വന്യജീവി ആക്രമണം തടയാനുള്ള സമഗ്രമായ പദ്ധതികളോ ആവശ്യമായ പണമോ വനം വകുപ്പിനില്ലെന്നാണ് മന്ത്രി പറയുന്നത്.
വന്യജീവികളുടെ ആക്രമണങ്ങളില് ജീവന് നഷ്ടപ്പെടുകയോ പരിക്കേല്ക്കുകയോ ചെയ്യുന്നവര്ക്കുള്ള നഷ്ടപരിഹാര തുക വര്ധിപ്പിക്കണം. വനാതിര്ത്തികളില് താമസിക്കുന്നവര്ക്കു വേണ്ടി പ്രത്യേക ഇന്ഷൂറന്സ് നടപ്പാക്കാനും സര്ക്കാര് തയാറാകണം.
https://www.facebook.com/Malayalivartha
