അവധി കഴിഞ്ഞു ജോലിക്ക് ഹാജരായില്ല; അധ്യാപകനെതിരെ നടപടി സ്വീകരിച്ച് വിദ്യാഭ്യാസ ഉപഡയറക്ടറുടെ ഓഫീസ്, 15 ദിവസത്തിനുള്ളില് കാരണം ബോധിപ്പിച്ചില്ലെങ്കില് അധ്യാപകനെ സേവനത്തില് നിന്നും സ്ഥിരമായി നീക്കം ചെയ്തു
കരൂപ്പടന്ന ജി എച് എസ് എസിലെ കായികാധ്യാപകനായ എ രമേശിനെ താല്ക്കാലികമായി സെര്വീസില്നിന്ന് നീക്കം ചെയ്തതായി വിദ്യാഭ്യാസ ഉപഡയറക്ടര് ടി വി മദനമോഹനന് അറിയിച്ചു.
ശൂന്യവേതനാവധിയിലായിരുന്ന രമേശ് അവധി ദീര്ഘിപ്പിക്കാന് അപേക്ഷ നല്കിയിരുന്നു. തൃശൂര് വിദ്യാഭ്യാസ ഉപഡയറക്ടറുടെ ഓഫീസ് അപേക്ഷ നിരസിക്കുകയും അവധി തീരുന്ന മുറയ്ക്ക് ജോലിയില് പ്രവേശിക്കാന് നിര്ദേശം നല്കുകയും ചെയ്തു.
അവധി അവസാനിച്ചതിന് ശേഷവും ജോലിക്ക് ഹാജരാകാതിരുന്നതിനെ തുടര്ന്ന്, വിദ്യാഭ്യാസ ഉപഡയറക്ടറുടെ ഓഫീസില് നേരിട്ട് ഹാജരായി ഇതിന് വിശദീകരണം ബോധിപ്പിക്കാന് അറിയിപ്പ് നല്കി. എന്നാല് അധ്യാപകന് ഓഫീസില് ഹാജരാകുകയോ മറുപടി ബോധിപ്പിക്കുകയോ ചെയ്യാത്തതിനെ തുടര്ന്നാണ് നടപടി.
താല്ക്കാലികമായി നീക്കം ചെയ്തു കൊണ്ടുള്ള ഉത്തരവ് കൈപ്പറ്റി 15 ദിവസത്തിനുള്ളില് കാരണം ബോധിപ്പിച്ചില്ലെങ്കില് അധ്യാപകനെ സേവനത്തില് നിന്നും സ്ഥിരമായി നീക്കം ചെയ്യുന്നതാണെന്നും വിദ്യാഭ്യാസ ഉപഡയറക്ടര് അറിയിച്ചു.
https://www.facebook.com/Malayalivartha
