മണ്ഡല മകരവിളക്കിനോടനുബന്ധിച്ച് ശബരിമലയില് ആദ്യ ദിവസങ്ങളില് പ്രവേശനം 25,000 പേര്ക്ക്, ദര്ശനം കഴിഞ്ഞ് സന്നിധാനത്ത് തങ്ങാന് അനുവദിക്കില്ല... വെര്ച്വല് ക്യൂ സംവിധാനം തുടരും... രണ്ട് ഡോസ് കോവിഡ് വാക്സിന് എടുത്തവര് അല്ലെങ്കില് ആര്ടിപിസിആര് നെഗറ്റീവ് സര്ട്ടിഫിക്കറ്റ് ഹാജരാക്കുന്നവര്ക്കാവും പ്രവേശനം
മണ്ഡല മകരവിളക്കിനോടനുബന്ധിച്ച് ശബരിമലയില് ആദ്യ ദിവസങ്ങളില് പ്രവേശനം 25,000 പേര്ക്ക്, വെര്ച്വല് ക്യൂ സംവിധാനം തുടരും...
രണ്ട് ഡോസ് കോവിഡ് വാക്സിന് എടുത്തവര് അല്ലെങ്കില് ആര്ടിപിസിആര് നെഗറ്റീവ് സര്ട്ടിഫിക്കറ്റ് ഹാജരാക്കുന്നവര്ക്കാവും പ്രവേശനം .
10 വയസിന് താഴെയും 65 വയസിന് മുകളിലുമുള്ള തീര്ഥാടകര്ക്കും പ്രവേശനം അനുവദിക്കും. അഭിഷേകം ചെയ്ത നെയ്യ് എല്ലാവര്ക്കും കൊടുക്കുന്നതിന് ദേവസ്വംബോര്ഡ് സംവിധാനമൊരുക്കണമെന്ന് മുഖ്യമന്ത്രി .
ദര്ശനം കഴിഞ്ഞ് സന്നിധാനത്ത് തങ്ങാന് അനുവദിക്കില്ല. ഇക്കാര്യത്തില് കഴിഞ്ഞ വര്ഷത്തെ നില തുടരും. എരുമേലി വഴിയുള്ള കാനനപാത, പുല്മേട് വഴി സന്നിധാനത്ത് എത്തുന്ന പരമ്പരാഗത പാത എന്നിവയിലൂടെ തീര്ഥാടകരെ അനുവദിക്കില്ല. പമ്പയില് സ്നാനത്തിന് അനുമതി നല്കും.
വാഹനങ്ങള് നിലയ്ക്കല് വരെ മാത്രമേ അനുവദിക്കൂ. അവിടെ നിന്ന് പമ്പ വരെ കെഎസ്ആര്ടിസി ബസുകള് ഉപയോഗിക്കണം. അതിന് ആവശ്യമായ സൗകര്യങ്ങള് ഏര്പ്പെടുത്താന് അധികൃതര്ക്ക് നിര്ദ്ദേശം നല്കി മുഖ്യമന്ത്രി . എന്നാല് ഭക്തര് അവരുടെ ആരോഗ്യസ്ഥിതി മനസ്സിലാക്കി വേണം ദര്ശനത്തിനെത്താനെന്നും അദ്ദേഹം കൂട്ടിച്ചേര്ത്തു.
"
https://www.facebook.com/Malayalivartha
