നിയമസഭ കയ്യാങ്കളി കേസില് പ്രതികളുടെ വിടുതല് ഹര്ജി തള്ളി..... ആറ് പ്രതികളും നവംബര് 22 ന് ഹാജരാകണമെന്ന് കോടതി, മന്ത്രി വി ശിവന്കുട്ടി അടക്കമുളള പ്രതികളുടെ ഹര്ജിയാണ് തള്ളിയത്
നിയമസഭ കൈയ്യാങ്കളി കേസില് സര്ക്കാറിന് തിരിച്ചടി. സര്ക്കാര് സമര്പ്പിച്ച വിടുതല് ഹര്ജികള് തിരുവനന്തപുരം ചീഫ് ജുഡീഷ്യല് മജിസ്ട്രേറ്റ് കോടതി തള്ളി. വിദ്യാഭ്യാസ മന്ത്രി ശിവന്കുട്ടി അടക്കമുള്ള ആറുപ്രതികളും നവംബര് 22ന് ഹാജരാകണമെന്ന് കോടതി .
വിചാരണ നടപടികളുടെ ഭാഗമായി നവംബര് 22ന് പ്രതികള്ക്ക് കുറ്റപത്രം വായിച്ച് കേള്പ്പിക്കും. നിയമസഭാ കൈയാങ്കളിക്കേസ് പിന്വലിക്കാനുള്ള സര്ക്കാര് തീരുമാനം കേരള ഹൈക്കോടതി തള്ളിയതിനെതിരെ സംസ്ഥാന സര്ക്കാര് സുപ്രീംകോടതിയില് അപ്പീല് നല്കിയെങ്കിലും അവിടെയും തിരിച്ചടി നേരിട്ടിരുന്നു.
2015 മാര്ച്ച് 13ന് ബാര് കോഴ വിവാദം കത്തി നില്ക്കെ അന്നത്തെ ധനമന്ത്രി കെ.എം മാണിയുടെ ബജറ്റ് അവതരം തടസ്സപ്പെടുത്താനാണ് നിയസമഭയില് അന്നത്തെ പ്രതിപക്ഷത്തെ ഇടതു എം.എല്.എമാര് ശ്രമിച്ചത്.
മന്ത്രി ശിവന്കുട്ടിക്ക് പുറമെ ഇ.പി ജയരാജന്, കെ.ടി ജലീല്, കെ അജിത്ത് എന്നിവരടക്കമുളള എം.എല്.എമാര്ക്കെതിരെ പൊതു മുതല് നശിപ്പിച്ചതടക്കമുള്ള വകുപ്പുകള് ചേര്ത്താണ് കന്റോണ്മെന്റ് പൊലീസ് കേസ് എടുത്തത്.
"
https://www.facebook.com/Malayalivartha
