തമിഴ്നാട്ടില് തമിഴ് ചിത്രങ്ങള്ക്കായുള്ള ഷോ ടൈം കൂട്ടി സര്ക്കാര്... പുതിയ തമിഴ് ചിത്രങ്ങള്ക്ക് ആദ്യത്തെ ഏഴ് ദിവസം അഞ്ച് ഷോകള് വീതം നടത്താം
തമിഴ്നാട്ടില് തമിഴ് ചിത്രങ്ങള്ക്കായുള്ള ഷോ ടൈം കൂട്ടി സര്ക്കാര്. റിലീസ് ചെയ്യുന്ന പുതിയ തമിഴ് സിനിമകള്ക്ക് ആദ്യത്തെ ഏഴ് ദിവസങ്ങളില് ദിവസേന അഞ്ച് ഷോ വീതം നടത്താനാണ് സര്ക്കാര് അനുമതി നല്കിയിരിക്കുന്നത്.
പ്രാദേശിക ഉത്സവങ്ങള്, ശനിയാഴ്ചകള്, ഞായറാഴ്ചകള്, പൊതു അവധി ദിവസങ്ങള് എന്നീ ദിവസങ്ങളിലും ഈ അധിക പ്രദര്ശന സൗകര്യം ലഭ്യമായിരിക്കും. മെയ് 22 മുതല് മുന്കാല പ്രാബല്യത്തോടെ ഈ ഭേദഗതി നിലവില് വന്നു.
അഡീഷണല് ചീഫ് സെക്രട്ടറി കെ മണവാസനാണ് ഗസറ്റ് വിജ്ഞാപനത്തില് ഒപ്പു വച്ചിരിക്കുന്നത്. ഈ പുതിയ ഭേദഗതിയോടെ തമിഴ്നാട്ടില് റിലീസ് ചെയ്യുന്ന പുതിയ തമിഴ് ചിത്രങ്ങള്ക്ക് ആദ്യത്തെ ഏഴ് ദിവസം അഞ്ച് ഷോകള് വീതം നടത്താവുന്നതാണ്. മെയ് മാസത്തില് പുതുതായി തെരഞ്ഞെടുക്കപ്പെട്ട മുഖ്യമന്ത്രി വിജയ് സംസ്ഥാനത്തെ എല്ലാ തിയേറ്ററുകള്ക്കും റിലീസ് ദിവസം മുതല് ഏഴ് ദിവസത്തേക്ക് അഞ്ച് ഷോകള് നടത്താനുള്ള അനുമതി നല്കുന്നതായി ഓര്ഡറിട്ടിട്ടുണ്ടായിരുന്നു.
"https://www.facebook.com/Malayalivartha
