ജനകീയാസൂത്രണത്തിൽ ബ്ലോക്ക് കോർഡിനേറ്റർമാരായി രണ്ടുപേരല്ല മൂന്നുപേർ ഉണ്ടായിരുന്നു; മൂന്നാമത്തെയാൾ വാമനപുരം ബ്ലോക്ക് കോർഡിനേറ്റർ ആയിരുന്ന ശ്രീമതി. സരസ്വതിയമ്മയാണ്;തുടക്കത്തിൽ അവിടുത്തെ ബ്ലോക്ക് കോർഡിനേറ്റർ ആയിരുന്നയാൾ ഒഴിഞ്ഞപ്പോൾ 1998-ൽ സരസ്വതിയമ്മ ചുമതലയേറ്റു;ജനകീയാസൂത്രണജനകീയചരിത്രത്തിന്റെ കുറിപ്പ് പങ്കു വച്ച് ഡോ .തോമസ് ഐസക്ക്
ജനകീയാസൂത്രണത്തിൽ ബ്ലോക്ക് കോർഡിനേറ്റർമാരായി രണ്ടുപേരല്ല. മൂന്നുപേർ ഉണ്ടായിരുന്നു. മൂന്നാമത്തെയാൾ വാമനപുരം ബ്ലോക്ക് കോർഡിനേറ്റർ ആയിരുന്ന ശ്രീമതി. സരസ്വതിയമ്മയാണ്. തുടക്കത്തിൽ അവിടുത്തെ ബ്ലോക്ക് കോർഡിനേറ്റർ ആയിരുന്നയാൾ ഒഴിഞ്ഞപ്പോൾ 1998-ൽ സരസ്വതിയമ്മ ചുമതലയേറ്റു.
സരസ്വതിയമ്മയുടെ ജീവിതകഥ വായിക്കുമ്പോൾ അഭിമാനിക്കാൻ ഏറെയുണ്ടെന്ന് ഡോ .തോമസ് ഐസക്ക്. ജനകീയാസൂത്രണജനകീയചരിത്രത്തിന്റെ കുറിപ്പിന്റെ പൂർണ്ണ രൂപം ഇങ്ങനെ; എനിക്കൊരു തെറ്റുപറ്റി ജനകീയാസൂത്രണത്തിൽ ബ്ലോക്ക് കോർഡിനേറ്റർമാരായി രണ്ടുപേരല്ല. മൂന്നുപേർ ഉണ്ടായിരുന്നു. മൂന്നാമത്തെയാൾ വാമനപുരം ബ്ലോക്ക് കോർഡിനേറ്റർ ആയിരുന്ന ശ്രീമതി. സരസ്വതിയമ്മയാണ്.
തുടക്കത്തിൽ അവിടുത്തെ ബ്ലോക്ക് കോർഡിനേറ്റർ ആയിരുന്നയാൾ ഒഴിഞ്ഞപ്പോൾ 1998-ൽ സരസ്വതിയമ്മ ചുമതലയേറ്റു. സരസ്വതിയമ്മയുടെ ജീവിതകഥ വായിക്കുമ്പോൾ അഭിമാനിക്കാൻ ഏറെയുണ്ട്. വിദ്യാർത്ഥി രാഷ്ട്രീയത്തിലൂടെയാണ് സരസ്വതിയമ്മ പൊതു രംഗത്തേയ്ക്കു വരുന്നത്. 1971-78 വരെ കാലഘടത്തിൽ SFIയുടെ ജില്ലാതല പ്രവർത്തകയായിരുന്നു. BSc കെമസ്ട്രിയും LLB-യും പാസ്സായി. അതോടെ പ്രവർത്തനം യുവജനരംഗം (KSYF), മഹിളാ അസോസിയേഷൻ എന്നിവയിലേയ്ക്കു മാറി.
തിരുവനന്തപുരം ജില്ലാ കമ്മിറ്റി അംഗമായിരുന്നു. ഇങ്ങനെ രാഷ്ട്രീയ മണ്ഡലം, മഹിളാരംഗം, കലാ-സാംസ്കാരിക വേദികൾ നിറഞ്ഞുനിന്ന ഇടപെടലുകളാണ് സരസ്വതിയമ്മയുടെ പൊതുജീവിതത്തിലുള്ളത്. മാത്രമല്ല, പല രംഗങ്ങളിലും ജില്ലാ നേതൃത്വ രംഗത്ത് പ്രവർത്തിച്ച അനുഭവവും വളരെ ചെറുപ്പത്തിൽ നേടാൻ സരസ്വതിയമ്മയ്ക്കു കഴിഞ്ഞൂവെന്നതു ശ്രദ്ധേയമാണ്. ഈ പ്രവർത്തനങ്ങൾക്കു പിൻന്തുണ വീട്ടിൽ നിന്നും ലഭിച്ചിരുന്നു.
1981 മുതൽ അഭിഭാഷകയായി തിരുവനന്തപുരം വഞ്ചിയൂർ കോടതിയിൽ പ്രാക്ടീസ് ആരംഭിച്ചു. ഇതോടൊപ്പം സിപിഎമ്മിന്റെ സജീവ പ്രവർത്തകയും.
മുഴുവൻ സമയ CPM പ്രവർത്തകനും നെല്ലനാട് ഗ്രാമ പഞ്ചായത്ത് മെമ്പറും സാമൂഹ്യ-സാംസ്കാരിക പ്രവർത്തകനുമായ ശ്രീ. വയ്യേറ്റ് സോമനെ 1983-ൽ വിവാഹം കഴിച്ചു. മിശ്രവിവാഹം ആയതിനാൽ വീട്ടുകാരുടെ ശക്തമായ എതിർപ്പിനെ അവഗണിച്ചു കൊണ്ടാണ് വിവാഹം കഴിച്ചത്.
പാർട്ടി ജില്ലാ സെക്രട്ടറിയായിരുന്ന സഖാവ് കാട്ടായിക്കോണം ശ്രീധറായിരുന്നു പാർട്ടിയുടെ നേതൃത്വത്തിൽ വിവാഹം നടത്തുന്നതിന് നേതൃത്വം നൽകിയത്. രണ്ടു പേർക്കും സ്ഥിരം തൊഴിലില്ലാതിരുന്നതുകൊണ്ട് വക്കീൽ പണി ഉപേക്ഷിച്ച് ഗ്രാമവികസന വകുപ്പിൽ LVEO ആയിട്ട് ജോലിയിൽ പ്രവേശിച്ചു. കേരളാ സാരക്ഷതാ പദ്ധതിയിലെ റിസോഴ്സ് പേഴ്സണായിരുന്നു. സാക്ഷരതാ രംഗത്തെ മികച്ച റിസോഴ്സ് പേഴ്സൺ എന്ന അംഗീകാരവും സരസ്വതിക്ക് ലഭിച്ചു.
ജനകീയാസൂത്രണത്തിൽ ഭാര്യയും ഭർത്താവും റിസോഴ്സ് പേഴ്സൺസായിരുന്നു. സരസ്വതിയമ്മ ബ്ലോക്ക് കോർഡിനേറ്റർ ആയപ്പോൾ ജീവിത സഖാവ്. ശ്രീ. സോമൻ നെല്ലനാട് പഞ്ചായത്തിന്റെ ആർപിയായി. കോൺഗ്രസ് ഭരണ സമിതിയ്ക്കു പദ്ധതി ആസൂത്രണത്തിനും നടത്തിപ്പിനും സരസ്വതിയമ്മയ്ക്കൊപ്പം ബ്ലോക്കുതലത്തിൽ പഞ്ചായത്തുകളിൽ ഓടി നടക്കാൻ സോമനും കൂടെയുണ്ടായിരുന്നു.
ഇവർ കുടുംബമായാണ് ബ്ലോക്ക്-ഗ്രാമ പഞ്ചായത്തുകളിൽ പദ്ധതിരേഖയും പ്രോജക്ടും തയ്യാറാക്കാൻ പോയിരുന്നത്. 8-ഉം 5-ഉം വയസ്സ് പ്രായമുള്ള ഗിരിജാകാവേരിയേയും സൂര്യഗായത്രിയേയും പഞ്ചായത്ത്, ബ്ലോക്ക് ഓഫീസുകളിൽ കിടത്തി ഉറക്കി സരസ്വതിയും സോമനും പ്രോജക്ട് തയ്യാറാക്കാനും പദ്ധതിരേഖ തയ്യാറാക്കാനും കഠിനാധ്വാനം ചെയ്തത് പഞ്ചായത്തുകൾക്കു മറക്കാൻ കഴിയില്ല.
ജനകീയാസൂത്രണ കോ-ഓഡിനേറ്റർ പ്രവർത്തനം അവസാനിച്ചപ്പോൾ, ജോലിക്കു പുറമേ പഠനത്തിലേയ്ക്കും തിരിഞ്ഞു. കേരളാ യൂണിവേഴ്സിറ്റിയിൽ നിന്നും MSW ബിരുദാനന്തര ബിരുദവും നേടി. കുടുംബശ്രീയുടെ റിസോഴ്സ് പേഴ്സൺ ആയിരുന്നു.
സരസ്വതിയുടെ പൊതുപ്രവർത്തനത്തിലും രാഷ്ട്രീയ പ്രവർത്തനത്തിലും ഒപ്പം നിന്ന ജീവിത സഖാവ് സോമൻ 2017 മെയ് 28 ന് നിര്യാതനായി.
സരസ്വതിയമ്മ പെൻഷനേഴ്സ് യൂണിയൻ പ്രവർത്തകയായി പൊതുമണ്ഡലത്തിൽ ഇന്നും സജീവമായി തുടരുന്നു.
https://www.facebook.com/Malayalivartha