സത്യത്തെ കള്ളമാക്കാന് പറ്റും പക്ഷേ കാലം എന്നൊന്ന് ഉണ്ടല്ലോ. അത് സത്യത്തോട് ചേര്ന്ന് നില്ക്കും. നീതി പുലര്ത്തുകയും ചെയ്യുമെന്ന് ബിനീഷ്!വീട്ടിലെത്തിയ മകനെ കെട്ടിപ്പിടിച്ച് കരഞ്ഞ് അമ്മ വിനോദിനി! ഒരു വര്ഷത്തിന് ശേഷം മകനെ കണ്ടതില് സന്തോഷത്തോടെ കോടിയേരി ബാലകൃഷ്ണൻ
കള്ളപ്പണം വെളുപ്പിക്കല് കേസില് ജാമ്യം ലഭിച്ച ബിനീഷ് കോടിയേരി തിരുവനന്തപുരത്ത് എത്തി. വീട്ടിലെത്തിയ ബിനീഷിനെ സ്വീകരിക്കാനായി മാതാപിതാക്കളും ബന്ധുക്കളും കാത്തുനില്ക്കുന്നുണ്ടായിരുന്നു. കെട്ടിപ്പിടിച്ച് കരഞ്ഞാണ് അമ്മ വിനോദിനി മകന് ബിനീഷിനെ സ്വീകരിച്ചത്.
ഒരു വര്ഷത്തിന് ശേഷം മകനെ കണ്ടതില് സന്തോഷമുണ്ടെന്ന് പിതാവ് കോടിയേരി ബാലകൃഷ്ണനും പ്രതികരിച്ചു. ബെംഗളൂരു പരപ്പന അഗ്രഹാര ജയിലില് നിന്ന് ശനിയാഴ്ച രാത്രി എട്ട് മണിയോടെയാണ് ബിനീഷ് പുറത്തിറങ്ങിയത്. അറസ്റ്റിലായി ഒരുവര്ഷത്തിന് ശേഷമാണ് ബിനീഷിന്റെ ജയില് മോചനം. സഹോദരന് ബിനോയ് കോടിയേരി, സുഹൃത്തുക്കള് എന്നിവര് ബിനീഷിനെ സ്വീകരിക്കാന് എത്തിയിരുന്നു.
സത്യം ജയിക്കുമെന്ന് ജയിലില് നിന്ന് പുറത്തിറങ്ങിയതിന് പിന്നാലെ ബിനീഷ് മാധ്യമങ്ങളോട് പ്രതികരിച്ചു. കേസുമായി ബന്ധപ്പെട്ട കാര്യങ്ങളൊന്നുമല്ലായിരുന്നു ഇ.ഡി ഉദ്യോഗസ്ഥര്ക്ക് അറിയേണ്ടത്. കേരളത്തില് നടന്ന കേസുമായി ബന്ധപ്പെട്ട് ചില കാര്യങ്ങളും പേരുകളും അവര് പറയുന്നതുപോലെ പറയാന് തയ്യാറാകാത്തതാണ് തന്നെ കേസില് പെടുത്താന് കാരണമെന്നും ബിനീഷ് ആരോപിച്ചു.
https://www.facebook.com/Malayalivartha
