കണ്ണോത്തുംചാലില്‍ ഓടിക്കൊണ്ടിരുന്ന ലോറിക്ക് തീപിടിച്ചു... ലോറി ഭാഗികമായും സാധനങ്ങള്‍ പൂര്‍ണമായും നശിച്ചു, ഡ്രൈവര്‍ രക്ഷപ്പെട്ടത് അത്ഭുതകരമായി.

കോഴിക്കോട് നിന്ന് കണ്ണൂരിലേക്ക് ഫാന്‍സി സാധനങ്ങള്‍ കയറ്റിവരികയായിരുന്ന കര്‍ണാടക രജിസ്‌ട്രേഷന്‍ ലോറിക്കാണ് തീപിടിച്ചത്. സംഭവത്തില്‍ ആളപായമുണ്ടായിട്ടില്ല. പുലര്‍ച്ചെ 2.30 ഓടെയായിരുന്നു സംഭവം നടന്നത്.

ഓടികൊണ്ടിരുന്ന ലോറിയുടെ മുന്‍ഭാഗത്ത് നിന്ന് തീപടരുകയായിരുന്നു. ഉടന്‍ വാഹനം നിര്‍ത്തി ഡ്രൈവര്‍ പുറത്തേക്ക് ചാടി. ലോറി ഭാഗികമായും സാധനങ്ങള്‍ പൂര്‍ണമായും നശിച്ചു. കണ്ണൂരില്‍ നിന്നുള്ള അഗ്‌നിരക്ഷാസേനയും പോലീസുമെത്തിയാണ് തീയണച്ചത്.

ലോറിയിലുണ്ടായ ചൈനീസ് പടക്കങ്ങള്‍ പൊട്ടിയതാണ് അപകടത്തിന് കാരണമെന്നാണ് ഡ്രൈവറുടെ മൊഴി നല്‍കിയത്. സംഭവത്തെ തുടര്‍ന്ന് ഗതാഗത തടസമുണ്ടായി.