മഴ മൂലമാണ് റോഡ് തകരുന്നതെന്ന ന്യായീകരണ വേണ്ട... നല്ല റോഡ് നിര്മിക്കാന് കഴിയാത്ത ഉദ്യോഗസ്ഥര് രാജിവെച്ച് ഒഴിയണമെന്ന് ഹൈകോടതി
നല്ല രീതിയില് റോഡ നിര്മിക്കാന് കഴിയാത്ത ഉദ്യോഗസ്ഥര് രാജിവെച്ച് ഒഴിയണമെന്ന് ഹൈകോടതി. മഴ മൂലമാണ് റോഡ് തകരുന്നതെന്ന ന്യായീകരണമൊന്നും അനുവദിക്കാനാവില്ല. അഞ്ചുവര്ഷം നിലനില്ക്കുന്ന രീതിയിലാണ് റോഡുകള് വേണ്ടതെങ്കിലും ആറുമാസം നന്നായി കിടക്കുകയും ബാക്കി ആറുമാസം തകര്ന്നുകിടക്കുകയും ചെയ്യുന്ന വിധത്തിലാണ് റോഡുകള്.
ഓരോ റോഡിനും എന്ജിനീയര്മാരുടെ മേല്നോട്ടം വേണമെന്ന് കോടതി ഉത്തരവിട്ടിട്ടും ഫലമില്ല. പകരം, കോടതി പരിധിവിട്ട് ഇടപെടുന്നെന്ന കുറ്റപ്പെടുത്തലാണുള്ളത്. മഴക്കാലത്തെ അതിജീവിക്കാന് കഴിയുന്ന റോഡുകളുണ്ടാക്കാനാവില്ലെങ്കില് ബന്ധപ്പെട്ട എന്ജിനീയര്മാര് തല്സ്ഥാനത്ത് തുടരാന് അര്ഹരല്ലെന്നും ജസറ്റിസ് ദേവന് രാമചന്ദ്രന് വ്യക്തമാക്കി.
കൊച്ചി നഗരത്തിലെയും പരിസരങ്ങളിലെയും റോഡുകള് ടാര് ചെയ്ത ആറു മാസത്തിനകം തകര്ന്നതായി അമിക്കസക്യൂറി സമര്പ്പിച്ച റിപ്പോര്ട്ട് പരിഗണിച്ചാണ് കോടതിയുടെ വാക്കാല് പരാമര്ശം.
കോര്പറേഷന്റെയും മറ്റ് തദ്ദേശ സ്ഥാപനങ്ങളുടെയും കീഴിലെ റോഡുകളുമാണ് തകര്ന്നതിലേറെയുമെന്നാണ അമിക്കസ്ക്യൂറിയുടെ റിപ്പോര്ട്ട.
റോഡില് കുഴിയുണ്ടായാല് ഉടന് നികത്താനുള്ള സൗകര്യമില്ലെന്നായിരുന്നു കോര്പറേഷന്റെ മറുപടി. അത്തരം സൗകര്യം ഒരുക്കുകയല്ലേ വേണ്ടതെന്ന കോടതി ആരാഞ്ഞു.
ഇപ്പോള് ഒരുകുഴി നികത്തുന്നതിനു പകരം ഒരു റോഡ് മുഴുവന് നികത്തേണ്ട അവസ്ഥയാണ. കഴിഞ്ഞ വര്ഷം തകര്ന്ന റോഡ് ഇത്തവണയും തകര്ന്നു. റോഡുകള് സഞ്ചാരയോഗ്യമാക്കാന് നിരന്തരം ഉത്തരവിട്ട് കോടതിക്ക് സ്വയം നാണക്കേടായിത്തുടങ്ങി. ഉത്തരവുകള് മറക്കുന്ന രീതി അനുവദിക്കാനാകില്ലെന്നും കോടതി പറഞ്ഞു.
https://www.facebook.com/Malayalivartha
