കൊലപാതകങ്ങളുടെ പേരില് കോണ്ഗ്രസ് പകരം ചോദിക്കാന് ഇറങ്ങിയിരുന്നെങ്കില് കേരളത്തില് സിപിഎമ്മിന്റെ പൊടിപോലും കാണില്ലായിരുന്നു; . ഉമ്മാക്കികാട്ടി കോണ്ഗ്രസിനെ ഭയപ്പെടുത്താമെന്ന് സിപിഎം കരുതിയെങ്കില് അത് വെറും മലര്പ്പൊടിക്കാരന്റെ സ്വപ്നം മാത്രമാണ്; വീണുകിട്ടിയ രക്തസാക്ഷിത്വത്തിന്റെ പേരില് കോണ്ഗ്രസ് നേതാക്കളെ തെരുവില് കൈകാര്യം ചെയ്യാനാണ് സിപിഎമ്മിന്റെ തീരുമാനമെങ്കില് കൈയ്യും കെട്ടിനോക്കി നില്ക്കില്ലെന്ന് കെ.സുധാകരന്
വീണുകിട്ടിയ രക്തസാക്ഷിത്വത്തിന്റെ പേരില് കോണ്ഗ്രസ് നേതാക്കളെ തെരുവില് കൈകാര്യം ചെയ്യാനാണ് സിപിഎമ്മിന്റെ തീരുമാനമെങ്കില് കോണ്ഗ്രസ് അത് കൈയ്യും കെട്ടിനോക്കി നില്ക്കുമെന്ന് കരുതരുതെന്ന് കെപിസിസി പ്രസിഡന്റ് കെ.സുധാകരന്.
ഭരണത്തിന്റെ തണലില് സംസ്ഥാന വ്യാപകമായി കോണ്ഗ്രസ് പ്രവര്ത്തകര്ക്കും ഓഫീസുകള്ക്കും നേരെ സിപിഎമ്മിന്റെ സംഘടിതവും ആസൂത്രിതവുമായ ആക്രമണം നടന്നിട്ടും പോലീസും മുഖ്യമന്ത്രിയും മൗനിബാബയെപ്പോലെ പെരുമാറുകയാണെന്നും സുധാകരന് പറഞ്ഞു.
കൊലപാതകങ്ങളുടെ പേരില് കോണ്ഗ്രസ് പകരം ചോദിക്കാന് ഇറങ്ങിയിരുന്നെങ്കില് കേരളത്തില് സിപിഎമ്മിന്റെ പൊടിപോലും കാണില്ലായിരുന്നുവെന്നും അക്രമത്തെ പ്രോത്സാഹിപ്പിക്കുന്ന പാരമ്ബര്യമല്ല കോണ്ഗ്രസിന്റേതെന്നും സുധാകരന് പറഞ്ഞു. ജനാധിപത്യബോധം എന്താണെന്ന് നല്ല തിരിച്ചറിവുള്ള പ്രസ്ഥനമാണ് കോണ്ഗ്രസെന്നും തലക്ക് വെളിവില്ലാത്ത നേതാക്കളുള്ള സിപിഎമ്മിന് ജനാധിപത്യ മര്യാദ തീണ്ടാപ്പാട് അകലെയാണെന്നും സുധാകരന് കുറ്റപ്പെടുത്തി.
'അണികളെ നിലക്ക് നിര്ത്താന് സിപിഎം നേതൃത്വം തയ്യാറാകണം. കോണ്ഗ്രസ് പാര്ട്ടി ഓഫീസിനും നേതാക്കള്ക്കും പിണറായി വിജയന്റെ പോലീസിന് സംരക്ഷണം നല്കാന് കഴിയുന്നില്ലെങ്കില് അത് ഭംഗിയായി നിറവേറ്റാന് പതിനായിരക്കണക്കിന് കോണ്ഗ്രസ് പ്രവര്ത്തകര് സന്നദ്ധരാണ്. ഉമ്മാക്കികാട്ടി കോണ്ഗ്രസിനെ ഭയപ്പെടുത്താമെന്ന് സിപിഎം കരുതിയെങ്കില് അത് വെറും മലര്പ്പൊടിക്കാരന്റെ സ്വപ്നം മാത്രമാണ്. ബോംബു നിര്മ്മാണവും ആയുധ ശേഖരണവും കുലത്തൊഴിലാക്കിയ പ്രസ്ഥാനമാണ് സിപിഎം. ജനം ഇതെല്ലാം തിരിച്ചറിയുന്നുണ്ട്'. സുധാകരന് പറഞ്ഞു.
https://www.facebook.com/Malayalivartha
