മുല്ലപ്പെരിയര് അണക്കെട്ട് നിര്മിച്ച ബ്രിട്ടീഷ് എന്ജിനീയര് കേണല് ജോണ് പെന്നിക്വിക്കിന്റെ പ്രതിമ ലണ്ടനില് സ്ഥാപിക്കുമെന്ന് തമിഴ്നാട് സര്ക്കാര്
മുല്ലപ്പെരിയര് അണക്കെട്ട് നിര്മിച്ച ബ്രിട്ടീഷ് എന്ജിനീയര് കേണല് ജോണ് പെന്നിക്വിക്കിന്റെ പ്രതിമ ലണ്ടനില് സ്ഥാപിക്കുമെന്ന് തമിഴ്നാട് സര്ക്കാര്. പെന്നിക്വിക്കിന്റെ ജന്മനാടായ ബ്രിട്ടനിലെ കാംബര്ലിയില് പ്രതിമ സ്ഥാപിക്കാന് ലണ്ടനിലെ തമിഴ് പ്രവാസികളാണ് ശ്രമങ്ങള് നടത്തിയത്.
പെന്നിക്വിക്കിന്റെ ജന്മദിനമായ ജനുവരി 15-ന് ഇതു പ്രഖ്യാപിക്കാനായതില് അതിയായ സന്തോഷമുണ്ട്. തമിഴ്നാട്ടിലെ അഞ്ചുജില്ലകളില് ശുദ്ധജലമെത്തിക്കാന് തന്റെ സമ്പാദ്യം വിറ്റ് അണക്കെട്ട് നിര്മിച്ച പെന്നിക്വിക്കിനെ തമിഴ്നാട് ജനത ഏറെ ആദരവോടെ ഓര്ക്കുമെന്നും മുഖ്യമന്ത്രി എം.കെ. സ്റ്റാലിന് പറഞ്ഞു.
1895ലാണ് മുല്ലപ്പെരിയാര് അണക്കെട്ട് ഇടുക്കിയില് ജോണ് പെന്നിക്യുക്കിന്റെ നേതൃത്വത്തില് നിര്മ്മിക്കുന്നത്. കേരള സര്ക്കാരിന്റെ ഉടമസ്ഥതയിലാണ് ഡാം.
പ്രോജക്ടിന് ആവശ്യമായ പണം തികയാതെ വന്നതോടെ ഇംഗ്ലണ്ടിലെ തന്റെ കുടുംബസ്വത്തുക്കള് വിറ്റ് പണം സ്വരൂപിച്ചാണ് പെന്നിക്വിക്ക് അണക്കെട്ട് നിര്മാണം പൂര്ത്തിയാക്കിയത്. പെന്നിക്യുക്ക് ആത്മ വിശ്വാസത്തോടെയായിരുന്നു അണക്കെട്ട് നിര്മ്മിച്ചതെന്നും തമിഴ്നാട് മുഖ്യമന്ത്രി എം.കെ സ്റ്റാലിന് അനുസ്മരിച്ചു.
"
https://www.facebook.com/Malayalivartha
