കക്കോടി പുത്തലത്ത് കുലവന്‍ കാവില്‍ തിറയാട്ടത്തിനിടെ തെയ്യംകലാകാരന്‍ കുഴഞ്ഞു വീണു, ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല
16 JANUARY 2022 11:13 AM IST
മലയാളി വാര്‍ത്ത
തിറയാട്ടത്തിനിടെ തെയ്യംകലാകാരന്‍ കുഴഞ്ഞു വീണു മരിച്ചു. കക്കോടി പുത്തലത്ത് കുലവന്‍ കാവില്‍ തിറയാട്ടത്തിനിടെയാണ് സംഭവം. ഗുഡ്ലക്ക് ലൈബ്രറിക്ക് സമീപം വാളിപ്പുറത്ത് ജിജീഷ് (39) ആണ് മരിച്ചത്.
ശനിയാഴ്ച വൈകീട്ടോടെ കുലവന്‍ വെള്ളാട്ടം കെട്ടിയാടുന്നതിനിടെയാണ് കുഴഞ്ഞുവീണത്. സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.
കുമാരസ്വാമി സ്റ്റാന്‍ഡിലെ ഓട്ടോഡ്രൈവറുമാണ് ജിജീഷ്. കുലവന്‍ ഒറ്റ വെള്ളാട്ടം കോലമുള്‍പ്പെടെ വിവിധ തെയ്യക്കോലങ്ങള്‍ കെട്ടിയാടുന്നതില്‍ പരിചയസമ്പന്നനായ കലാകാരനായിരുന്നു.
തെയ്യംകലാകാരന്‍ സിദ്ധാര്‍ഥന്റെ മകനാണ്. അമ്മ: ലീല. ഭാര്യ: രേണുക. മകന്‍: വിനായകന്‍ (കാക്കൂര്‍ സരസ്വതി വിദ്യാമന്ദിര്‍ നാലാംക്ലാസ് വിദ്യാര്‍ഥി).
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
