സംസ്ഥാനത്ത് കോവിഡ് വ്യാപനം രൂക്ഷമാകുന്നു; ടി.പി.ആര് 20ന് മുകളിലുള്ള ജില്ലകളില് മതപരമായ ചടങ്ങുകളിലും 50 പേര്ക്ക് മാത്രം അനുമതി, ടി.പി.ആര് കുത്തനെ ഉയരുന്നത് വലിയ പ്രതിസന്ധിയാകും! ആള്ക്കൂട്ട നിയന്ത്രണത്തിലൂടെ ഒരുപരിധി വരെ രോഗവ്യാപനം പിടിച്ചുനിര്ത്താമെന്ന് സര്ക്കാര്
സംസ്ഥാനത്ത് കോവിഡ് വ്യാപനം രൂക്ഷമാകുന്നതായുള്ള റിപ്പോർട്ടുകളാണ് പുറത്ത് വരുന്നത്. ഈ പശ്ചാത്തലത്തില് നിയന്ത്രണങ്ങള് കടുപ്പിക്കുന്നതായി മുന്നറിയിപ്പ്. ടി.പി.ആര് 20ന് മുകളിലുള്ള ജില്ലകളില് മതപരമായ ചടങ്ങുകളിലും 50 പേര്ക്ക് മാത്രമാണ് അനുമതി നൽകിയിട്ടുള്ളത്. ദിനംപ്രതി രോഗികളുടെ എണ്ണം വര്ധിക്കുന്നതും ടി.പി.ആര് കുത്തനെ ഉയരുന്നതും വലിയ ആശങ്കയാണ് ഏവരിലും ഉളവാക്കുന്നത്.
അതോടൊപ്പം തന്നെ വിവാഹം, മരണാനന്തര ചടങ്ങുകള് അടക്കമുള്ള പരിപാടികളില് പങ്കെടുക്കാവുന്നവരുടെ എണ്ണം നേരത്തെ തന്നെ നിജപ്പെടുത്തിയിരുന്നു. രോഗവ്യാപനം കൂടതല് രൂക്ഷമായതോടെയാണ് മതപരമായ ചടങ്ങുകള്ക്ക് കൂടി നിയന്ത്രണങ്ങള് ബാധകമാക്കിയിരിക്കുന്നത്. ഉത്സവസീസണ് വരാനിരിക്കുന്ന പശ്ചാത്തലത്തില് കൂടിയാണ് തീരുമാനം കൈക്കൊണ്ടിരിക്കുന്നത്. ആള്ക്കൂട്ട നിയന്ത്രണത്തിലൂടെയും ഒരുപരിധി വരെ രോഗവ്യാപനം പിടിച്ചുനിര്ത്താമെന്ന് സര്ക്കാര് കണക്കുകൂട്ടുന്നു.കൂടത്തെ ടി.പി.ആര് കുത്തനെ ഉയരുന്നത് വലിയ പ്രതിസന്ധിയാണ് ഉണ്ടാക്കുന്നത്. മൂന്ന് ദിവസത്തിനിടെ ടി.പി.ആര് 10 ശതമാനത്തോളം ഉയര്ന്നു.
എന്നാൽ അടുത്ത മൂന്നാഴ്ചക്കാലം രോഗവ്യാപനം അതിതീവ്രമാകുമെന്നാണ് ആരോഗ്യവകുപ്പിന്റെ മുന്നറിയിപ്പ് എന്നത്. അഞ്ച് ജില്ലകളില് ഇന്നലെ ആയിരത്തില് കൂടുതല് രോഗികള് ഉണ്ടായിട്ടുണ്ട്. കഴിഞ്ഞ ദിവസത്തെ കണക്കുകൾ പ്രകാരം തിരുവനന്തപുരത്ത് 4694ഉം എറണാകുളത്ത് 2637ഉം ആയിരുന്നു ഇന്നലത്തെ കണക്ക്. ആരോഗ്യപ്രവര്ത്തകരില് കൂടുതലായി രോഗം കണ്ടെത്തുന്നതും പ്രതിസന്ധി ഉണ്ടാക്കുകയായിരുന്നു.
അതേസമയം സംസ്ഥാനത്ത് 78 ആക്ടീവ് കോവിഡ് ക്ലസ്റ്ററുകളുണ്ടെന്നാണ് ആരോഗ്യവകുപ്പിന്റെ കണക്ക്. ദിനംപ്രതി ഒമിക്രോണ് രോഗികളുടെ എണ്ണവും വര്ധിക്കുകയാണ്. 48 പേര്ക്ക് കൂടി രോഗം സ്ഥിരീകരിച്ചതോടെ ആകെ ഒമിക്രോണ് രോഗികളുടെ എണ്ണം 528 ആയി ഉയരുകയുണ്ടായി.
https://www.facebook.com/Malayalivartha