മകനു വേണ്ടി സ്മാർട് വാച്ച് ഓർഡർ ചെയ്തപ്പോൾ കിട്ടിയത് വെള്ളംനിറച്ച കോണ്ടം, പ്രമുഖ കമ്പനിയുടെ വാച്ച് ഓൺലൈനായി ഓർഡർ ചെയ്ത് വഞ്ചിക്കപ്പെട്ടത് ഹോട്ടൽ ഉടമ, പാഴ്സൽ പൊട്ടിച്ചു നോക്കിയപ്പോൾ കണ്ടത് ഗർഭനിരോധന ഉറയിൽ വെള്ളം കെട്ടിവെച്ചിരിക്കുന്നത്
ഓണ്ലൈൻ പർച്ചേസിങ്ങിൽ വഞ്ചിക്കപ്പെടുന്നവരുടെ എണ്ണം ദിനംപ്രതി കൂടുകയാണ്.അത്തരത്തിലൊരു സംഭവമാണ് എറണാകുളത്തും നടന്നിരിക്കുന്നത്. മകനുവേണ്ടി ഓണ്ലൈനിലൂടെ സ്മാര്ട്ട് വാച്ചിന് ഓഡര് ചെയ്ത വ്യക്തിക്ക് ലഭിച്ചത് വെള്ളംനിറച്ച കോണ്ടമാണ്.
2200 രൂപയുടെ സ്മാർട് വാച്ച് ഓർഡർ ചെയ്തപ്പോഴാണ് ഇത്തരത്തിൽ കരുമാലൂർ തട്ടാംപടി സ്വദേശിയും ഹോട്ടൽ ഉടമയുമായ അനിൽകുമാറാണു വഞ്ചിക്കപ്പെട്ടത്. പണം നൽകിയ ശേഷം പൊതിയഴിച്ചു നോക്കിയപ്പോഴാണ് വെള്ളം ഗർഭനിരോധന ഉറയിൽ കെട്ടി വച്ചിരിക്കുന്നതു കാണുന്നത്.
രണ്ടു ദിവസം മുൻപാണു മകന് ഉപയോഗിക്കാൻ വേണ്ടി അനിൽകുമാർ പ്രത്യേക ഓഫർ വന്നപ്പോൾ പ്രമുഖ കമ്പനിയുടെ വാച്ച് ഓൺലൈനായി ഓർഡർ ചെയ്തത്. തുടർന്ന് ഓർഡർ ചെയ്ത വാച്ച് 17 നു ലഭിക്കുമെന്നു മൊബൈലിൽ അറിയിപ്പു വന്നെങ്കിലും 3 ദിവസം മുൻപേ എത്തുകയായിരുന്നു. പണം നൽകിയാൽ മാത്രമേ പാഴ്സൽ പൊട്ടിച്ചു നോക്കാൻ സാധിക്കുകയുള്ളൂവെന്നു കൊറിയർ കമ്പനി ജീവനക്കാരൻ പറഞ്ഞതോടെ സംശയം തോന്നിയാണ് ഉടൻതന്നെ തുറന്നു നോക്കിയതും തട്ടിപ്പു തിരിച്ചറിയുന്നതും.
ഉടൻ തന്നെ ഓഡര് ഇത് ഡെലിവറി ചെയ്ത കൊറിയർ കമ്പനി ജീവനക്കാരനെ പിടിച്ചു നിർത്തിയ ശേഷം പൊലീസിൽ വിവരം അറിയിക്കുകയായിരുന്നു. ഓൺലൈനിലൂടെ മുൻപും സാധനങ്ങൾ വാങ്ങിയിട്ടുണ്ടെങ്കിലും ഇത്തരം അനുഭവം ആദ്യമായാണെന്ന് ഹോട്ടൽ ഉടമ അനിൽകുമാർ പൊലീസിനോട് പറഞ്ഞു.
https://www.facebook.com/Malayalivartha