20 ദിവസം മാത്രം പ്രായമായ പെൺകുഞ്ഞിനെ തനിച്ചാക്കി ദമ്പതികൾ ആത്ഹത്യ ചെയ്തു! സാമ്പത്തിക ബുദ്ധിമുട്ടാണ് മരണകാരണമെന്ന് സൂചന,

കവളാകുളം വലിയവിള ഏദന്‍സ് നിവാസില്‍ ജോര്‍ജിന്റെ വീട്ടില്‍ വാടകയ്ക്ക് താമസിക്കുന്ന തിരുപുറം പുലവംഗല്‍ കെ.എല്‍ ഭവനില്‍ ഷിജു സ്റ്റീഫന്‍ (45), ഭാര്യ കാരോട് മാറാടി കല്ലംപൊറ്റവീട്ടില്‍ പ്രമീള (37) എന്നിവരെ വീട്ടില്‍ മരിച്ച നിലയില്‍ കണ്ടെത്തി.

ഇന്നലെ വൈകിട്ടോടെയായിരുന്നു സംഭവം. കഴിഞ്ഞ 8 മാസമായി ഇവര്‍ ഇവിടെ വാടകയ്ക്ക് താമസിചിച്ചു വരികയായിരുന്നു. മാസങ്ങളായി വീട്ട് വാടക നല്‍കിയിരുന്നില്ലായെന്നും ഇവര്‍ സാമ്പത്തിക ബുദ്ധിമുട്ടിലായിരുന്നുവെന്നും പറയുന്നു.

ഇവര്‍ക്ക് 20 ദിവസം പ്രായമായ പെണ്‍കുഞ്ഞുണ്ട്. കുട്ടിയെ എസ്.എ. ടി ആശുപത്രിയിലേക്ക് മാറ്റി. പ്രമീളയെ അന്വേഷിച്ച്‌ വന്ന ഹോംനഴ്‌സ് വീട് പൂട്ടിക്കിടക്കുന്നതുകണ്ട് തൊട്ടടുത്ത് താമസിക്കുന്ന ഉടമയെ വിവരമറിയിക്കുകയായിരുന്നു. വീടിന്റെ പുറക് വശം തുറന്ന് നോക്കിയപ്പോഴാണ് പ്രമീള തൂങ്ങി നില്‍ക്കുന്നതും ഷിജു തറയില്‍ മരിച്ച്‌ കിടക്കുന്ന നിലയിലും കണ്ടത്.