കുട്ടിയെ മരിച്ച നിലയില് കാണുകയായിരുന്നു എന്ന് കണ്ടതോടെ ആങ്ങളമാരുടെ സദാചാരക്കുരു പൊട്ടിയൊലിച്ച് എന്തൊക്കെയാണ് വിളിച്ച് പറയുന്നത് !! ശരിക്കും ഇവരുടെയൊക്കെ പ്രശ്നം എന്താണ്? ഒരു വേദിയില് മൈക്ക് കെട്ടി സംസാരിക്കുന്നത് പോലെയാണ് സോഷ്യല് മീഡിയയില് വലിയ വായിൽ കമൻ്റിടുന്നത് എന്ന് അറിയാഞ്ഞിട്ടാണോ? അതോ ഇത്രയും ഉളുപ്പില്ലാഞ്ഞിട്ടോ? ഡോ. ഷിംന അസീസ് കുറിക്കുന്നു
പ്രശസ്ത വ്ലോഗറും ആല്ബം താരവുമായ റിഫ മെഹ്നൂവിനെ ദുബായില് മരിച്ച നിലയില് കണ്ടെത്തിയതായി റിപ്പോർട്ട്. 21 വയസ്സാണ്. കോഴിക്കോട് ബാലുശേരി സ്വദേശിനിയാണ്. കഴിഞ്ഞ ദിവസം രാത്രി ജാഫിലിയയിലെ താമസ സ്ഥലത്താണ് റിഫയെ മരിച്ച നിലയില് കണ്ടെത്തിയിരിക്കുന്നത്. ആത്മഹത്യയാണെന്ന് സംശയിക്കുന്നതായി സുഹൃത്തുക്കൾ പറയുകയുണ്ടായി. മരിക്കുന്നതിന് ഒരു ദിവസം മുൻപുവരെ സമൂഹമാധ്യമങ്ങളിൽ സജീവമായിരുന്നു ഇവർ.
അതേസമയം വാർത്തകൾ പുറത്ത് വന്നതിനുപിന്നാലെ സമൂഹമാധ്യമങ്ങളിൽ പെൺകുട്ടിയെ അപകീർത്തിപ്പെടുത്തുന്ന തരത്തിലുള്ള കമന്റുകളാണ് പ്രത്യക്ഷപ്പെടുന്നത്. ഇതിനെതിരെ രംഗത്ത് എത്തിയിരിക്കുകയാണ് ഡോ. ഷിംനാ അസീസ്.
ഫേസ്ബുക്ക് കുറിപ്പ് ഇങ്ങനെ;
ഒരു മലയാളി വ്ളോഗര്, ഇരുപത് വയസ്സുകാരി മുസ്ലിം പെണ്കുട്ടി ദുബൈയില് മരിച്ചു എന്ന വാര്ത്തക്ക് കീഴില് വന്ന ചില കമന്റുകള് ആണ് താഴെ കാണുന്നത്. കുട്ടിയെ മരിച്ച നിലയില് കാണുകയായിരുന്നു എന്ന് കണ്ടതോടെ ആങ്ങളമാരുടെ സദാചാരക്കുരു പൊട്ടിയൊലിച്ച് എന്തൊക്കെയാണ് വിളിച്ച് പറയുന്നത് !!
ശരിക്കും ഇവരുടെയൊക്കെ പ്രശ്നം എന്താണ്? ഒരു വേദിയില് മൈക്ക് കെട്ടി സംസാരിക്കുന്നത് പോലെയാണ് സോഷ്യല് മീഡിയയില് വലിയ വായിൽ കമൻ്റിടുന്നത് എന്ന് അറിയാഞ്ഞിട്ടാണോ? അതോ ഇത്രയും ഉളുപ്പില്ലാഞ്ഞിട്ടോ?
എല്ലാവർക്കും ഒരു പോലെ ഉപയോഗിക്കാനുള്ള സ്പേസ് ആണ് സോഷ്യല് മീഡിയ. സ്വയം എവിടെയും എങ്ങുമെത്താത്ത ഫ്രസ്ട്രെഷന് മരിച്ച് പോയ ഒരു കുഞ്ഞിനെ കുറിച്ച് തോന്നിവാസം പറഞ്ഞല്ല തീര്ക്കേണ്ടത്. മരണത്തെയെങ്കിലും ബഹുമാനിക്കാൻ പഠിക്കണം.
മനുഷ്യര് എപ്പോ നന്നാവാനാണ് !!
https://www.facebook.com/Malayalivartha
