മലയാളികളെ വർഷങ്ങളോളം ചിരിപ്പിക്കുകയും ഇപ്പോൾ ചിന്തിപ്പിക്കുകയും ചെയ്യുന്ന ഒരു പിടി നല്ല ഹൃദയഹാരിയായ കഥാപാത്രങ്ങൾ നമുക്ക് സമ്മാനിച്ച അതുല്യനടനാണ് ശ്രീ. ഇന്ദ്രൻസ്.

അദ്ദേഹ​ത്തിന്റെ അമ്മ ഗോമതി നിര്യാതയായി എന്ന ഏറെ വിഷമിപ്പിക്കുന്ന വാർത്തയാണ് ഇപ്പോൾ പുറത്ത് വരുന്നത്.

ഇന്ന് രാവിലെ തിരുവനന്തപുരം മെഡിക്കല്‍ കോളേജില്‍ വച്ചായിരുന്നു അന്ത്യം സംഭവിച്ചത്. 90 വയസുണ്ടായിരുന്നു അമ്മയ്ക്ക്. കുറച്ചു നാളായി സുഖമില്ലാതെ കിടപ്പിലായിരുന്നു.

രണ്ട് ദിവസം മുമ്പ് ഓര്‍മ്മ പൂര്‍ണ്ണമായും നഷ്ടപ്പെട്ടിരുന്നു. ഇന്നലെ അസുഖം മൂര്‍ച്ഛിച്ചതിനെ തുടര്‍ന്ന് തിരുവനന്തപുരം മെഡിക്കല്‍ കോളേജില്‍ അഡ്മിറ്റ് ചെയ്യുകയായിരുന്നു.

ഇന്ന് രാവിലെ 5 മണിയോടെയായിരുന്നു മരണം സംഭവിച്ചത്. ശവസംസ്‌കാര ചടങ്ങുകള്‍ ഇന്ന് ഉച്ചയ്ക്ക് ഒരു മണിക്ക് തൈക്കാട് ശാന്തി കവാടത്തില്‍ നടക്കും എന്നാണ് അറിയിച്ചിട്ടുള്ളത്.