നടിയെ ആക്രമിച്ച കേസിൽ തുടരന്വേഷണത്തിന് മൂന്നുമാസം കൂടി സമയം തേടി പ്രോസിക്യൂഷൻ ഹൈക്കോടതിയിൽ സമീപിച്ചിരിക്കുകയാണ്. ഏപ്രിൽ 15നകം അന്വേഷണം പൂർത്തിയാക്കണമെന്നായിരുന്നു ഹൈക്കോടതി നേരത്തെ ഉത്തരവിട്ടിരുന്നത്. അന്വേഷണത്തിൽ ലഭിച്ച ഡിജിറ്റൽ തെളിവുകളുടെ അടിസ്ഥാനത്തിൽ കാവ്യ മാധവനെ ചോദ്യം ചെയ്യേണ്ടതുണ്ടെന്ന് പ്രോസിക്യൂഷൻ കോടതിയെ അറിയിച്ചു. ചോദ്യം ചെയ്യലിന് സൗകര്യം തേടിയപ്പോൾ ചെന്നൈയിൽ ആണെന്നാണ് കാവ്യ മറുപടി നൽകിയതെന്നും അടുത്ത ആഴ്ച നാട്ടിൽ തിരികെയെത്തുമെന്ന് അറിയിച്ചതായും പ്രോസിക്യൂഷൻ ഹൈക്കോടതിയിൽ പറഞ്ഞു.

അതേസമയം നടിയെ ആക്രമിച്ച് പകർത്തിയ ദൃശ്യങ്ങൾ ദിലീപിനു ലഭിച്ചെന്ന ബാലചന്ദ്രകുമാറിന്റെ വെളിപ്പെടുത്തൽ ശരിവയ്ക്കുന്ന തെളിവുകൾ ദിലീപിന്റെ സഹോദരീ ഭർത്താവ് സുരാജിന്റെ ഫോണിൽ നിന്ന് ലഭിച്ചതായി ക്രൈംബ്രാഞ്ച് ഹൈക്കോടതിയിൽ വ്യക്തമാക്കി. കൂട്ടുപ്രതികളുടെ പങ്കാളിത്തവും ഇതിൽ നിന്ന് വ്യക്തമായിട്ടുണ്ട്. കൂടാതെ നിർണായകമായ ഡിജിറ്റൽ തെളിവുകളുടെ അടിസ്ഥാനത്തിൽ കാവ്യാ മാധവനെ ചോദ്യം ചെയ്യണമെന്നും അതോടൊപ്പം ഫോറൻസിക് പരിശോധനാ ഫലം മുഴുവൻ ലഭിച്ച ശേഷം ദിലീപിന്റെ സഹോദരൻ അനൂപ്, സുരാജ് എന്നിവരെയും ചോദ്യം ചെയ്യണമെന്നും ക്രൈംബ്രാഞ്ച് കോടതിയെ അറിയിച്ചു.

ക്രൈം ബ്രാഞ്ച് കോടതിയിൽ സമർപ്പിച്ച ഹർജിയിൽ പറയുന്ന കാര്യങ്ങൾ ഇങ്ങനെയാണ്.. ദിലീപും കൂട്ടരും ഉപയോഗിച്ച മൊബൈലുകൾ മുംബയിലെ ഒരു ലാബിൽ നൽകിയിരുന്നു. ദിലീപിന്റെ നാല് അഭിഭാഷകർ ഇതിലെ തെളിവുകൾ പരിശോധിക്കാൻ മുംബയിൽ പോയിരുന്നു. ഇവരെ ചോദ്യം ചെയ്യണം. ഒരു ജഡ്‌ജിയെ ബിഷപ്പ് മുഖേന സ്വാധീനിക്കാൻ ബാലചന്ദ്രകുമാറിന്റെ സഹായം തേടി സുരാജും അനൂപും അയച്ച വാട്ട്സ് ആപ്പ് സന്ദേശങ്ങൾ വീണ്ടെടുത്തു. കൂടാതെ ജഡ്ജി ഒപ്പിട്ടതടക്കമുള്ള ചില കോടതി രേഖകളുടെ ചിത്രങ്ങൾ ദിലീപിന്റെ ഫോണിൽ നിന്ന് കിട്ടി. അതിനാൽ കോടതി ജീവനക്കാരെ ചോദ്യം ചെയ്യണം. അപേക്ഷ നൽകിയെങ്കിലും വിചാരണക്കോടതി അനുമതി നൽകിയിട്ടില്ല. നടിയെ ആക്രമിച്ച് പകർത്തിയ ദൃശ്യങ്ങൾ കോടതിയിൽ നിന്ന് ചോർന്നതിനെക്കുറിച്ചും അന്വേഷണം നടക്കുന്നു. കോടതി ജീവനക്കാരെ ഇതിനായി ചോദ്യം ചെയ്യാൻ അനുമതി ലഭിച്ചു. വിചാരണ അട്ടിമറിക്കാൻ ദിലീപ് നടത്തിയ നീക്കങ്ങൾക്ക് തെളിവുണ്ട്. അഭിഭാഷകരുടെ സഹായത്തോടെ തെളിവുകൾ നശിപ്പിച്ചു. ദിലീപിന്റെ രണ്ടു മൊബൈലുകളിലെ 90 ശതമാനം ഡേറ്റകൾ മാത്രമേ ഇതുവരെ പരിശോധിച്ചിട്ടുള്ളൂ. മറ്റുള്ളവ പരിശോധിക്കാൻ സമയം വേണം. ദിലീപിന്റെ ഫോണുകളിൽ നിന്ന് തെളിവുകൾ നശിപ്പിച്ചിട്ടുണ്ടെന്ന് ഫോറൻസിക് റിപ്പോർട്ടിൽ പറയുന്നു. ഫോൺ രേഖകൾ നശിപ്പിച്ചതിൽ അഭിഭാഷകർക്കു പങ്കുണ്ടെന്നു സായ് ശങ്കറിന്റെ മൊഴിയുണ്ട്. ഇയാൾ ഒളിവിലാണ്. ഇയാളെയും അഭിഭാഷകരെയും വിശദമായി ചോദ്യം ചെയ്യണം. അതുകൊണ്ട് ഹൈക്കോടതി നിർദ്ദേശിച്ച പ്രകാരം ഏപ്രിൽ 15ന് അകം തുടരന്വേഷണം പൂർത്തിയാക്കാനാവില്ലെന്നും ഡിജിറ്റൽ തെളിവുകളുടെ ഫോറൻസിക് പരിശോധനാ ഫലങ്ങൾ ഈ കാലാവധിക്കകം പൂർണമായും ലഭിക്കില്ലെന്നും ഹർജിയിൽ പറയുന്നു.

​അതേസമയം ദി​ലീ​പും​ ​മ​റ്റ്‌​ ​പ്ര​തി​ക​ളും​ ​ഹൈ​ക്കോ​ട​തി​യി​ൽ​ ​സ​മ​ർ​പ്പി​ച്ച​ ​മൊ​ബൈ​ൽ​ ​ഫോ​ണു​ക​ളി​ൽ​ 11161​ ​വീ​ഡി​യോ​ക​ളും​ 11238​ ​ശ​ബ്‌​ദ​ ​സ​ന്ദേ​ശ​ങ്ങ​ളും​ ​ക​ണ്ടെ​ത്തി.​ ​ര​ണ്ട്‌​ ​ല​ക്ഷ​ത്തി​ല​ധി​കം​ ​ചി​ത്ര​ങ്ങ​ൾ,​ 1597​ ​രേ​ഖ​ക​ൾ​ ​എ​ന്നി​വ​യും​ ​ഫോ​റ​ൻ​സി​ക് ​പ​രി​ശോ​ധ​ന​യി​ൽ​ ​ക​ണ്ടെ​ത്തി.​ ​ദി​ലീ​പ്,​ ​സ​ഹോ​ദ​ര​ൻ​ ​അ​നൂ​പ്,​ ​സ​ഹോ​ദ​രീ​ ​ഭ​ർ​ത്താ​വ്‌​ ​സു​രാ​ജ്‌​ ​എ​ന്നി​വ​രു​ടേ​താ​ണ് ​ആ​റു​ ​ഫോ​ണു​ക​ൾ. ദി​ലീ​പി​ന്റേ​താ​യി​​​രു​ന്നു​ ​മൂ​ന്ന്‌​ ​ഫോ​ണു​ക​ൾ.​ ​ഒ​രെ​ണ്ണം​ ​സു​രാ​ജി​​​ന്റേ​താ​ണ്. ദി​ലീ​പി​ന്റെ​ ​ര​ണ്ടു​ ​ഫോ​ണു​ക​ളി​ൽ​ ​നി​ന്ന്‌​ ​മാ​ത്രം​ 10879​ ​ശ​ബ്‌​ദ​ ​സ​ന്ദേ​ശ​ങ്ങ​ളും​ 65384​ ​ചി​ത്ര​ങ്ങ​ളും​ 6682​ ​വീ​ഡി​യോ​ക​ളും​ 779​ ​രേ​ഖ​ക​ളും​ ​ല​ഭി​ച്ചു. ഈ​ ​ര​ണ്ട്‌​ ​ഫോ​ണു​ക​ളു​ടെ​ ​വി​വ​ര​ങ്ങ​ൾ​ ​മാ​ത്രം​ ​പ​തി​മ്മൂ​വാ​യി​ര​ത്തോ​ളം​ ​പേ​ജു​ക​ൾ​ ​വ​രും. ര​ണ്ട്‌​ ​ല​ക്ഷ​ത്തി​ല​ധി​കം​ ​പേ​ജു​ക​ളു​ള്ള​ ​ഫോ​റ​ൻ​സി​ക്ക്‌​ ​റി​പ്പോ​ർ​ട്ടി​​​ൽ​ ​നി​​​ന്ന് ​വി​വ​ര​ങ്ങ​ൾ​ ​ത​രം​ ​തി​രി​​​ക്കു​ക​യാ​ണ് ​പൊ​ലീ​സ് ​സം​ഘം.