സംസ്ഥാനത്ത് കോവിഡ് കേസുകള്‍ നിയന്ത്രണവിദേയമെന്ന് ആരോഗ്യവകുപ്പ്. സംസ്ഥാനം പൂര്‍വ്വ സ്ഥിതിയിലേക്ക് നീങ്ങുകയാണ്. ജനങ്ങള്‍ കാണിച്ച ജാഗ്രത കുറച്ചു നാള്‍ കൂടി തുടരണം. ഇനി ജനങ്ങള്‍ കരുതല്‍ കാണിച്ചാല്‍ കേരളത്തില്‍ കോവിഡ് എന്ന മഹാമരി വ്യാപിക്കില്ല. എല്ലാവരും ജാഗ്രതയോടെ പ്രവര്‍ത്തിക്കാന്‍ വേണ്ട നടപടികള്‍ സ്വയം എടുക്കണം.

കോരളത്തിലെ കഴിഞ്ഞ ദിവസത്തെ കോവിഡ് റിപ്പോര്‍ട്ട് അനുസരിച്ച് 347 പേര്‍ക്ക് കോവിഡ്19 സ്ഥിരീകരിച്ചിരുന്നു. എറണാകുളം 106, തിരുവനന്തപുരം 60, കോഴിക്കോട് 31, കോട്ടയം 29, ആലപ്പുഴ 23, കൊല്ലം 22, തൃശൂര്‍ 18, ഇടുക്കി 14, കണ്ണൂര്‍ 14, പത്തനംതിട്ട 12, മലപ്പുറം 12, പാലക്കാട് 3, വയനാട് 2, കാസര്‍ഗോഡ് 1 എന്നിങ്ങനേയാണ് ജില്ലകളില്‍ രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 13,599 സാമ്പിളുകളാണ് പരിശോധിച്ചത്.

കഴിഞ്ഞ 24 മണിക്കൂറിനിടെ മരണങ്ങളൊന്നും കോവിഡ്19 മൂലമാണെന്ന് സ്ഥിരീകരിച്ചിട്ടില്ല. ഇതുകൂടാതെ മുന്‍ ദിവസങ്ങളില്‍ മരണപ്പെടുകയും എന്നാല്‍ രേഖകള്‍ വൈകി ലഭിച്ചത് കൊണ്ടുള്ള 2 മരണങ്ങളും സുപ്രീം കോടതി വിധിപ്രകാരം കേന്ദ്രസര്‍ക്കാരിന്റെ പുതിയ മാര്‍ഗനിര്‍ദേശമനുസരിച്ച് അപ്പീല്‍ നല്‍കിയ 19 മരണങ്ങളും റിപ്പോര്‍ട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 68,360 ആയി.

കഴിഞ്ഞ ദിവസം രോഗം സ്ഥിരീകരിച്ച് ചികിത്സയിലായിരുന്ന 383 പേര്‍ രോഗമുക്തി നേടി. തിരുവനന്തപുരം 89, കൊല്ലം 19, പത്തനംതിട്ട 18, ആലപ്പുഴ 21, കോട്ടയം 35, ഇടുക്കി 16, എറണാകുളം 119, തൃശൂര്‍ 21, പാലക്കാട് 2, മലപ്പുറം 10, കോഴിക്കോട് 20, വയനാട് 6, കണ്ണൂര്‍ 7, കാസര്‍ഗോഡ് 0 എന്നിങ്ങനേയാണ് രോഗമുക്തിയായത്. കഴിഞ്ഞ ദിവസത്തെ കണക്കനുസരിച്ച് സംസ്ഥാനത്ത് 2293 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്.