നടിയെ ആക്രമിച്ച കേസ്.... അന്വേഷണ ഉദ്യോഗസ്ഥനായ ഡി വൈ എസ് പി ബൈജു പൗലോസ് ഇന്ന് ഹാജരാകും
കൊച്ചിയില് നടിയെ ആക്രമിച്ച കേസുമായി ബന്ധപ്പെട്ട അന്വേഷണ ഉദ്യോഗസ്ഥനായ ഡി വൈ എസ് പി ബൈജു പൗലോസ് ഇന്ന് വിചാരണ കോടതിയില് ഹാജരാകും. മാധ്യമങ്ങള്ക്ക് കോടതി നടപടികളുടെ ചില രേഖകള് ചോര്ന്നത് സംബന്ധിച്ച് വിശദീകരണം നല്കണമെന്ന് ആവശ്യപ്പെട്ടിരുന്നു.
തുടരന്വേഷണവുമായി ബന്ധപ്പെട്ട്, കോടതിയില് പ്രോസിക്യൂഷന് സമര്പ്പിച്ച അപേക്ഷയുടെ പകര്പ്പ് മാധ്യമങ്ങള്ക്ക് ലഭിച്ചുവെന്ന പരാതിയിന്മേലാണ് കോടതി നടപടി. കോടതി രേഖകള് ദിലീപിന്റെ ഫോണിലേക്ക് ചോര്ന്ന സംഭവത്തില് കോടതി ജീവനക്കാരെ ചോദ്യം ചെയ്യുന്നതിനുള്ള അപേക്ഷ ചില മാധ്യമങ്ങള് പ്രസിദ്ധീകരിച്ചിരുന്നു. ഇത് അന്വേഷണ ഉദ്യോഗസ്ഥര് ചോര്ത്തി നല്കുകയായിരുന്നു എന്നാണ് പരാതി. സംഭവത്തില് കോടതിയില് നേരിട്ട് ഹാജരായി വിശദീകരണം നല്കാനായിരുന്നു നിര്ദ്ദേശം.
അതേസമയം വധഗൂഢാലോചന കേസില് ദിലീപിന്റെ ഫോണിലെ വിവരങ്ങള് നശിപ്പിച്ചതില് സൈബര് വിദഗ്ദന് സായ് ശങ്കറിന്റെ രഹസ്യമൊഴി രേഖപ്പെടുത്തി. എറണാകുളം സി ജെ എം കോടതി രണ്ടിലാണ് രഹസ്യമൊഴി രേഖപ്പെടുത്തിയത്. മൂന്ന് മണിക്കൂറെടുത്താണ് മൊഴിയെടുപ്പ് പൂര്ത്തിയായത്. െ്രെകംബ്രാഞ്ച് ഉദ്യോഗസ്ഥര് മാനസികമായി പീഡിപ്പിച്ചിട്ടില്ലെന്നും ദിലീപിന് എതിരെ തെളിവുകളുള്ള തന്റെ ലാപ്ടോപ് രാമന്പിള്ള അസോസിയേറ്റ്സ് പിടിച്ചു വെച്ചിരിക്കുകയാണെന്നുമാണ് സായ് ശങ്കര് അന്വേഷണ സംഘത്തിന് നല്കിയിരിക്കുന്ന മൊഴി.
വധഗൂഢാലോചന കേസില് സായി ശങ്കറിനെതിരെ കൂടുതല് തെളിവുകള് ക്രൈംബ്രാഞ്ച് കോടതിയില് ഹാജരാക്കിയിരുന്നു. കേസ് വഴിതിരിച്ചുവിടാന് സായി ശങ്കര് ശ്രമിച്ചുവെന്നാണ് െ്രെകം ബ്രാഞ്ച് കണ്ടെത്തല്. ദിലീപിന്റെയും കൂട്ടാളികളുടെയും മൊബൈലിലെ ചാറ്റുകള് നശിപ്പിച്ചത് സായ് ശങ്കറാണെന്നതിന്റെ തെളിവുകളും കോടതിയില് അന്വേഷണ സംഘം ഹാജരാക്കിയിരുന്നു.
കഴിഞ്ഞദിവസം നടിയെ ആക്രമിച്ച കേസിന്റെ തുടരന്വേഷണത്തിന്റെ ഭാഗമായി നടി കാവ്യാ മാധവനെ ചോദ്യം ചെയ്യാന് ആലുവ പൊലീസ് ക്ലബ്ബില് എത്താന് നിര്ദ്ദേശം നല്കിയിരുന്നു. എന്നാല് താന് നാട്ടില് ഇല്ലെന്നും ചെന്നൈയിലാണെന്നും തിങ്കളാഴ്ച മാത്രമേ കേരളത്തിലെത്തൂവെന്നും അതിനാല് മറ്റൊരു ദിവസം അനുവദിക്കണമെന്നും കാവ്യ അന്വേഷണസംഘത്തെ അറിയിച്ചിരുന്നു. ഇതേത്തുടര്ന്നാണ് ചോദ്യംചെയ്യല് ബുധനാഴ്ചത്തേക്ക് മാറ്റിയത്.
എന്നാല് ഇപ്പോള് കാവ്യ പറയുന്നത് ചോദ്യം ചെയ്യലിന് ആലുവ പൊലീസ് ക്ലബ്ബില് എത്താന് കഴിയില്ലെന്നാണ്. ചോദ്യം ചെയ്യാനായി ദിലീപിന്റെ വീടായ പത്മസരോവരത്തില് എത്താനാണ് അന്വേഷണസംഘത്തോട് പറയുന്നത്. എന്നാല് കാവ്യയെ വീട്ടിലെത്തി ചോദ്യം ചെയ്യാനാകില്ലെന്ന് െ്രെകംബ്രാഞ്ച് നിലപാടറിയിച്ചു. അതേസമയം മറ്റ് സ്ഥലത്തെത്താന് ബുദ്ധിമുട്ടുണ്ടെന്ന് കാവ്യയും മറുപടി നല്കി.
https://www.facebook.com/Malayalivartha
