പൊന്നു പിതാവിന്റെ കണ്ണീര്‍ കണ്ടാല്‍ ആരും കരഞ്ഞുപോകും. അതിജീവനത്തിനായുള്ള സമരങ്ങളിലേക്ക് അധ്യാപകരെ വലിച്ചിഴയ്ക്കരുതെന്നാണ് പിതാവിന്റെ ആഹ്വാനം. അങ്ങനെ സംഭവിച്ചാല്‍ മൂന്നാര്‍ മോഡല്‍ അധ്യാപകരും നടക്കേണ്ടി വരുമെന്നാണ് അദ്ദേഹത്തിന്റെ ഭീഷണി.
അണ്‍എയ്ഡഡ് സ്‌കൂളഇലെ അധ്യാപകര്‍ക്ക് തുച്ഛശമ്പളം നല്‍കുന്നതിനെതിരെയുള്ള സമരവേദിയിലായിരുന്നു പിതാവിന്റെ ജല്പനങ്ങള്‍. കേരളത്തില്‍ ഏറ്റവുമധികം അണ്‍എയ്ഡഡ് സ്ഥാപനങ്ങള്‍ നടത്തുന്നത് ക്രൈസ്തവ മാനേജ്‌മെന്റുകളാണ്. സീറോ മലബാര്‍ സഭയെ പ്രതിനിധീകരിക്കുന്ന പവ്വത്തില്‍ പിതാവിന് നൂറു കണക്തിന് സ്‌കൂളുകളാണ് സംസ്ഥാനത്ത് ഉടനീളമുള്ളത്. ഇവിടങ്ങളില്‍ അധ്യാപകര്‍ക്ക് നല്‍കുന്ന പ്രതിമാസ വേതനം 3000 രൂപയും കൂടിയാല്‍ അയ്യായിരവുമാണ്. ഇരുട്ടി വെളുക്കുവോളം വരെ പണിയെടുക്കണം. ഇല്ലെങ്കില്‍ ചേര്‍ന്ന വേഗത്തില്‍ പണി പോകും.
സര്‍ക്കാര്‍ സ്‌കൂളില്‍ പഠിപ്പിക്കാനാവശ്യമായ അതേ യോഗ്യത തന്നെയാണ് സ്വകാര്യ സ്‌കൂളില്‍ പഠിപ്പിക്കാനും വേണ്ടത്. ഒരുപക്ഷേ അധികയോഗ്യതയില്ലാത്തവരെ നിയമിക്കാന്‍ പല സ്വകാര്യ മാനേജ്‌മെന്റുകളും തയ്യാറാവുകയില്ല. സ്വകാര്യ സ്‌കൂളാകുമ്പോള്‍ പണം നല്‍കി വേണം പഠിക്കേണ്ടത്. ഒരു കുട്ടിക്ക് മാസം കുറഞ്ഞ ഫീസ് 1000 രൂപയാണ്. അഞ്ച് കുട്ടികളില്‍ നിന്നും വാങ്ങുന്ന പണം മാത്രമാണ് ഒരധ്യാപകന് നല്‍കുന്നത്. കേന്ദ്രൃ സംസ്ഥാന സര്‍ക്കാരുകള്‍ സ്വകാര്യസ്‌കൂള്‍ അധ്യാപകര്‍ക്ക് മിനിമം വേതനം നല്‍കണമെന്ന് നിരവധി തവണ നിഷ്‌കര്‍ഷിച്ചിട്ടുണ്ടെങ്കിലും ദൈവം സഹായിച്ച് ആരും അനുസരിച്ചിട്ടില്ല. അതിനിടെയാണ് കാത്തലിക് ടീച്ചേഴ്‌സ് ഗിള്‍സിന്റെ യോഗത്തില്‍ പിതാവ് ഒപ്പമുള്ള അധ്യാപകരെ മണ്ടന്‍മാരാക്കിയത്.
സ്വകാര്യസ്‌കൂള്‍ അധ്യാപകര്‍ക്ക് ശമ്പളം നല്‍കാതിരിക്കുന്നത് ക്രൈസ്തവര്‍ മാത്രമാണെന്നു കരുതേണ്ട. ഹിന്ദുക്കള്‍ക്കും മുസ്ലീങ്ങള്‍ക്കും കേരളത്തില്‍ സ്വകാര്യ വിദ്യാലയങ്ങള്‍ നിരവധിയുണ്ട്. അവരും ശമ്പളം നല്‍കുന്നതില്‍ പിശകു കാണിക്കുന്നവര്‍ തന്നെയാണ്. എന്നാല്‍ ഒരാശ്വാസമുണ്ട്. ഒരേ സമയം ശമ്പളം നല്‍കാതിരിക്കുകയും അതേസമയം വേദം ഓതുകയും ചെയ്യില്ല. ഇവരുടെ എല്ലാം കണ്ണീരിന് കണക്കുകൊടുക്കേണ്ടിവരും തീര്‍ച്ച.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha