ചവറ ഗ്രാമപഞ്ചായത്ത് പ്രസിഡന്റിന് വാഹനാപകടത്തില്‍ ദാരുണാന്ത്യം... ചവറയില്‍ നിന്നും നീണ്ടകര ഭാഗത്തേക്ക് ബൈക്കില്‍ പോകവേ സൂപ്പര്‍ഫാസ്റ്റ് ബസ് ഇടിക്കുകയായിരുന്നു
07 MAY 2022 07:01 AM IST
മലയാളി വാര്‍ത്ത
ചവറ ഗ്രാമപഞ്ചായത്ത് പ്രസിഡന്റിന് വാഹനാപകടത്തില്‍ ദാരുണാന്ത്യം... ചവറയില്‍ നിന്നും നീണ്ടകര ഭാഗത്തേക്ക് ബൈക്കില്‍ പോകവേ സൂപ്പര്‍ഫാസ്റ്റ് ബസ് ഇടിക്കുകയായിരുന്നു.
കൊറ്റന്‍കുളങ്ങര ചെറുകോല്‍ വീട്ടില്‍ എസ് തുളസീധരന്‍ പിളള(62) ആണ് മരിച്ചത്. ചവറ എഎംസി മുക്കിന് സമീപം വെളളിയാഴ്ച രാത്രിയാണ് അപകടം. ആര്‍എസ്പി കൊല്ലം ജില്ലാ എക്‌സിക്യൂട്ടീവ് അംഗം കൂടിയായിരുന്നു തുളസീധരന്‍ പിളള.
ചവറയില്‍ നിന്നും നീണ്ടകര ഭാഗത്തേക്ക് പോവുകയായിരുന്ന തുളസീധരന്‍ പിള്ളയുടെ ബൈക്കില്‍ കെഎസ്ആര്‍ടിസി സൂപ്പര്‍ ഫാസ്റ്റ് ബസ് ഇടിക്കുകയായിരുന്നു.
റോഡിലേക്ക് വീണ തുളസീധരന്‍ പിളളയുടെ ശരീരത്തിലൂടെ ബസ് കയറിയിറങ്ങി സംഭവസ്ഥലത്തു വെച്ച് തന്നെ മരണമടയുകയായിരുന്നു. മൃതദേഹം ജില്ലാ ആശുപത്രി മോര്‍ച്ചറിയിലേക്കു മാറ്റി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
