മൂന്നാറില്‍ പ്രണയം നിരസിച്ച പതിനാറുകാരിയെ പതിനേഴുകാരന്‍ കഴുത്തറുത്ത് കൊല്ലാന്‍ ശ്രമിച്ചു. പെണ്‍കുട്ടിയുടെ കഴുത്തറുത്ത ശേഷം യുവാവ് സ്വന്തം കഴുത്തില്‍ കുത്തി. യുവാവിനെ മൂന്നാര്‍ ടാറ്റ ആശുപത്രിയിലെത്തിച്ചു. പെണ്‍കുട്ടി കോലഞ്ചേരിയിലെ ആശുപത്രിയില്‍ ചികിത്സയിലാണ്. പൊലീസ് സംഭവസ്ഥലത്തെത്തിയിട്ടുണ്ട്. പരിക്കേറ്റ രണ്ടുപേരെയും നാട്ടുകാരാണ് ആശുപത്രിയില്‍ എത്തിച്ചത്.

സമാനരീതിയില്‍ പ്രണയം നിരസിച്ച പെണ്‍കുട്ടിയെ യുവാവ് കുത്തി പരിക്കേലപ്പിച്ചു. ഉത്തര്‍ പ്രദേശിലെ നോയ്ഡയിലാണ് സംഭവം നടന്നത്. വീട്ട് ജോലിക്കാരിയായ ആരതിയ്ക്കാണ് കുത്തേറ്റത്. 23 വയസ്സുള്ള രോഹിത് എന്ന യുവാവിനെ ആരതിക്ക് നേരത്തെ പരിചയം ഉണ്ടായിരുന്നു. ഇരുവരും 1 വര്‍ഷത്തോളം പ്രണയത്തിലും ആയിരുന്നു. എന്നാല്‍ കുടുംബത്തിന് എതിര്‍പ്പ് കാരണം ഇരുവരും പിരിഞ്ഞു. ഇതാണ് യുവാവിനെ പ്രകോപിപ്പിച്ചത്.

ജോലിക്കായി നോയ്ഡയിലേക്ക് വന്ന ആരതിയെ രോഹിത് പിന്തുടരന്നു. ഇയാളും ഇവിടെ ഒരു ചെറിയ ജോലിയില്‍ പ്രവേശിച്ചു. പെണ്‍കുട്ടിയെ വഴിയില്‍ വെച്ച് കാണാന്‍ ശ്രമിക്കാറുണ്ടായിരുന്ന രോഹിത് പ്രേമബന്ധം തുടരണമെന്ന് അപേക്ഷിക്കാറുണ്ടായിരുന്നത്രേ... പക്ഷേ കുടുംബപ്രശ്‌നങ്ങള്‍ പറഞ്ഞ് ആരതി ഒഴിഞ്ഞു മാറാന്‍ ശ്രമിച്ചു. ഇതേ തുടര്‍ന്നാണ് ജോലി കഴിഞ്ഞ് പോവുകയായിരുന്ന പെണ്‍കുട്ടിയെ രോഹിത് തടഞ്ഞ് നിര്‍ത്തിയതും ആക്രമിച്ചതും.