മിക്കവരും ഗുളികകള്‍ തൊണ്ടതൊടാതെ വിഴുങ്ങുന്നവരാണ്. സൂക്ഷിക്കുക അത് ചിലപ്പോള്‍ നിങ്ങളെ മരണത്തിലേക്ക് നയിക്കാം. അതും ഇഞ്ചിഞ്ചായിത്തന്നെ. പ്രാഥമികാരോഗ്യകേന്ദ്രത്തില്‍ നിന്നു വിതരണം ചെയ്!ത പാരസെറ്റമോള്‍ ഗുളികയില്‍ കമ്പിക്കഷണം. മലപ്പുറം പോരൂര്‍ പ്രാഥമികാരോഗ്യകേന്ദ്രത്തില്‍ നിന്നു ചെറുകോട് സ്വദേശി തോരപ്പ മായിനാണ് മകന് വേണ്ടി വാങ്ങിച്ച ഗുളികയില്‍ നിന്നു കമ്പിക്കഷ്!ണം കിട്ടിയത്.
ചെറുകോട് സ്വദേശി മായിന്‍ മകന്‍ റിന്‍ഷാദിന് വേണ്ടി പോരൂര്‍ പ്രാഥമികാരോഗ്യകേന്ദ്രത്തില്‍ നിന്നാണ് ഗുളിക വാങ്ങിച്ചത്. രണ്ട് ദിവസത്തിന് ശേഷം മായിന്റെ അഞ്ച് വയസുകാരി പേരക്കുട്ടിക്കും പനി ബാധിച്ചു. അന്ന് കുഞ്ഞിന് കൊടുക്കാന്‍ വേണ്ടി ഗുളിക പകുതി പൊട്ടിച്ചപ്പോഴാണ് അതില്‍ കമ്പിക്കഷണം കണ്ടത്. സെന്റീമീറ്ററിലധികം നീളമുണ്ട് ഈ കമ്പിക്കഷണത്തിന്.
തുടര്‍ന്ന് പ്രാഥമികാരോഗ്യകേന്ദ്രത്തിലെത്തിയ മായിന്‍ ഗുളിക അധികൃതര്‍ക്ക് കൈമാറുകയും ചെയ്!തു. ഗുളിക പൊട്ടിക്കാതെ കഴിക്കുമായിരുന്നെങ്കില്‍ കുഞ്ഞിന്റെ ജീവന്‍ തന്നെ അപകടത്തിലാകുമായിരുന്നു. കമ്പിക്കഷ്!ണം കുടലില്‍ തറച്ചുകയറാനും അത് മരണത്തിന് വരെ കാരണമായേക്കുമായിരുന്നു. സംഭവിച്ച കാര്യങ്ങളും മായിന്റെ പരാതിയും അധികൃതരെ ധരിപ്പിച്ചിട്ടുണ്ടെന്നാണ് ഇക്കാര്യത്തില്‍ പോരൂര്‍ പ്രാഥമികാരോഗ്യകേന്ദ്രത്തിലെ ഉദ്യോഗസ്ഥരുടെ വിശദീകരണം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha