പത്തനാപുരത്ത് വൃദ്ധയെ തൂണില്‍ കെട്ടിയിട്ട് മകളുടെ ക്രൂര മര്‍ദ്ദനം, സ്വത്തിന്റെ പേരിൽ അമ്മയെ ലീന നിരന്തരമായി മര്‍ദ്ദിക്കാറുണ്ടെന്ന് അയല്‍വാസികള്‍, ചോദ്യം ചെയ്ത പഞ്ചായത്ത് അംഗത്തെ മുടിയിൽ കുത്തിപ്പിടിച്ച് ഗേറ്റിന് പുറത്തേക്ക് തള്ളി, യുവതിക്കെതിരെ കേസ് എടുത്ത് പൊലീസ്...!
പത്തനാപുരത്ത് വൃദ്ധയായ മാതാവിനെ തൂണില്‍ കെട്ടിയിട്ട് മകള്‍ ക്രൂരമായി മര്‍ദ്ദിച്ചു. ഇന്നലെ ഉച്ചയ്ക്ക് ശേഷം മൂന്നോടെ നെടുംപറമ്പ് പാക്കണംകാലായിലാണ് സംഭവം. നെടുമ്പ്രത്ത് സ്വദേശി ലീലാമ്മയ്ക്കാണ് മകളുടെ ക്രൂര മർദ്ദനമേറ്റത്.സ്വത്ത് സംബന്ധമായ വിഷയത്തെ ചൊല്ലി ലീലാമ്മയെ മകള്‍ ലീന നിരന്തരമായി മര്‍ദ്ദിക്കുമായിരുന്നെന്ന് അയല്‍വാസികള്‍ പറയുന്നു.
മകള്‍ ലീലാമ്മയെ വീടിന് മുന്‍പില്‍ കെട്ടിയിട്ട് മര്‍ദ്ദിക്കുന്നത് കണ്ടാണ് പഞ്ചായത്ത് അംഗം ഓടിയെത്തിയത്. ഇക്കാര്യം ചോദിച്ചെത്തിയ പഞ്ചായത്തംഗം ഹര്‍ഷയെ ലീന മര്‍ദ്ദിച്ചതായും പരാതിയുണ്ട്. പഞ്ചായത്ത് അംഗത്തെ മുടിയിൽ കുത്തിപ്പിടിച്ച് ഗേറ്റിന് പുറത്തേക്ക് തള്ളി വീഴ്ത്തുകയായിരുന്നു.മര്‍ദ്ദനത്തില്‍പരിക്കേറ്റ വാര്‍ഡ് മെമ്പര്‍ പത്താനാപുരം ആശുപത്രിയില്‍ ചികിത്സ തേടി.
ഒടുവിൽ നാട്ടുകാരും പഞ്ചായത്ത് അംഗത്തിന്റെ ഭർത്താവും ഉൾപ്പെടെയുള്ളവർ ചേർന്ന് ഇവരെ പിടിച്ചു മാറ്റുകയായിരുന്നുവെന്ന് പത്തനാപുരം പൊലീസിന് നൽകിയ പരാതിയിൽ പറയുന്നു. പഞ്ചായത്ത് അംഗത്തിന്റെ അയൽവാസി കൂടിയായ പാലപ്പള്ളിൽ വീട്ടിൽ ലീനയാണ് മർദ്ദിച്ചതെന്ന് അർഷാമോൾ പരാതിയിൽ പറയുന്നു. ഹര്‍ഷയുടെ പരാതിയില്‍ യുവതിക്കെതിരെ പൊലീസ് കേസ് എടുത്തിട്ടുണ്ട്.
https://www.facebook.com/Malayalivartha
