കക്കാന് പഠിച്ചവര്ക്ക് നില്ക്കാനുമറിയാം... മാധ്യമപ്രവര്ത്തകരോട് വിചിത്രമായ മറുപടി നല്കി ഇ.പി. ജയരാജന്
എകെജി സെന്ററിനുനേരെ പടക്കം എറിഞ്ഞ പ്രതിയെ പിടിക്കാനാകാത്തത് സംബന്ധിച്ച ചോദ്യം ഉന്നയിച്ച മാധ്യമപ്രവര്ത്തകരോട് വിചിത്ര വാദവുമായി ഇ.പി. ജയരാജന് രംഗത്ത്. സുകുമാരക്കുറുപ്പിനെ ഇതുവരെ പിടിക്കാനായില്ലല്ലോ എന്നാണ് ഇ.പി ചോദിച്ചത്. കക്കാന് പഠിച്ചവര്ക്ക് നില്ക്കാനുമറിയാമെന്നും അദ്ദേഹം പറഞ്ഞു.
സുകുമാരക്കുറുപ്പിനെ ഇതുവരെ പിടിച്ചോ. എത്രയെത്ര കേസുകള് ഉണ്ട് ഇങ്ങനെ പൊലീസ് നല്ല നിലയില് അന്വേഷിച്ചുകൊണ്ടിരിക്കുന്നുണ്ട്. കക്കാന് പഠിച്ചവര്ക്കാറിയാം നില്ക്കാനും. ഇത്തരത്തിലുള്ള കൃത്യം നിര്വഹിക്കുന്നവര് രക്ഷപ്പെടാനുള്ള വഴികളും സ്വീകരിക്കും, സ്വീകരിച്ചിട്ടുണ്ടാകാം. അതിനാല് പൊലീസിന്റെ ശക്തി, ബുദ്ധിപരമായ കഴിവ്, എല്ലാ തരത്തിലുമുള്ള ശാസ്ത്രസാങ്കേതിക വിദ്യകള് എന്നിവ ഉപയോഗിച്ചു വളരെ ജാഗ്രതയോടെ പൊലീസ് അന്വേഷണം നടത്തുകയാണ്' എന്നും അദ്ദേഹം പറഞ്ഞു.
കട്ടവര്ക്ക് പിടിച്ച് നില്ക്കാനറിയാം എന്ന് നമുക്കറിയാമെന്നും ജയരാജന് അഭിപ്രായപ്പെട്ടു. കെ. സുധാകരന്റെ വിമര്ശനങ്ങള്ക്ക് മറുപടിയില്ല. തനിക്ക് ബോംബുമായി ഒരു പരിചയവുമില്ല. നിര്മിക്കാനും എറിയാനും അറിയില്ല. ആശയപരമായ പ്രതിഷേധമാണ് സിപിഎമ്മിന്റെ രീതിയെന്നും ഇ.പി പറഞ്ഞു.
നടിയെ ആക്രമിച്ച കേസില് മുന് ഡിജിപി ശ്രീലേഖയുടെ പ്രസ്താവന നിയമ വിദഗ്ധര് തന്നെ പരിശോധിക്കും. സര്ക്കാര് ചെയ്യേണ്ട കാര്യങ്ങള് സര്ക്കാര് ചെയ്യും. കോടതിയുടെ പരിഗണനയിലിരിക്കുന്ന വിഷയമായതിനാല് കൂടുതല് ഒന്നും പറയുന്നില്ലെന്നും അദ്ദേഹം കൂട്ടിച്ചേര്ത്തു.
https://www.facebook.com/Malayalivartha
