കര്ക്കടകമാസ പൂജകള്ക്കായി ശബരിമല ക്ഷേത്ര നട 16ന് വൈകിട്ട് അഞ്ചിന് തുറക്കും... വെര്ച്വല് ക്യൂ സംവിധാനത്തിലൂടെ ബുക് ചെയ്ത് അയ്യപ്പഭക്തര്ക്ക് ദര്ശനത്തിനായി എത്താം, നിലയ്ക്കലില് സ്പോട്ട് ബുക്കിങ് സംവിധാനവും ഏര്പ്പെടുത്തി
കര്ക്കടകമാസ പൂജകള്ക്കായി ശബരിമല ക്ഷേത്ര നട 16ന് വൈകിട്ട് അഞ്ചിന് തുറക്കും. തന്ത്രി കണ്ഠരര് മഹേഷ് മോഹനരുടെ മുഖ്യകാര്മ്മികത്വത്തില് മേല്ശാന്തി എന്.പരമേശ്വരന് നമ്പൂതിരിയാണ് നട തുറക്കുക. പിന്നീട് ഗണപതി, നാഗര് തുടങ്ങിയ ഉപദേവതാക്ഷേത്ര നടകളും തുറന്ന് വിളക്ക് തെളിക്കും. ശേഷം പതിനെട്ടാംപടിക്ക് മുന്നിലായുള്ള ആഴിയില് മേല്ശാന്തി അഗ്നിപകരും. തുടര്ന്ന് അയ്യപ്പഭക്തര്ക്ക് പതിനെട്ടാം പടികയറിയുള്ള ദര്ശനത്തിന് അനുമതി നല്കും.
ഈമാസം 16 മുതല് 21 വരെയാണ് ശബരിമല നട തുറന്നിരിക്കുക. ഉദയാസ്തമയപൂജ, അഷ്ടാഭിഷേകം, കലശാഭിഷേകം, കളഭാഭിഷേകം, പടിപൂജ, പുഷ്പാഭിഷേകം എന്നിവ നട തുറന്നിരിക്കുന്ന അഞ്ചു ദിവസങ്ങളിലും ഉണ്ടായിരിക്കും.
വെര്ച്വല് ക്യൂ സംവിധാനത്തിലൂടെ ബുക് ചെയ്ത് അയ്യപ്പഭക്തര്ക്ക് ദര്ശനത്തിനായി എത്താം. നിലയ്ക്കലില് എത്തിച്ചേരുന്ന അയ്യപ്പഭക്തന്മാര്ക്ക് സ്പോട് ബുകിങ് സംവിധാനവും ഒരുക്കിയിട്ടുണ്ട്.
ഈ മാസത്തെ വെര്ച്വല് ക്യൂ ബുകിങ് ചൊവ്വാഴ്ച രാവിലെ 10 മണിമുതല് ആരംഭിക്കും. കര്കടകം ഒന്നിന് പുലര്ചെ അഞ്ചു മണിക്ക് തിരുനട തുറക്കും. ശേഷം പതിവ് അഭിഷേകവും നെയ്യഭിഷേകവും മറ്റ് പൂജകളും നടക്കും. പൂജകള് പൂര്ത്തിയാക്കി 21 ന് രാത്രി 10 മണിക്ക് ഹരിവരാസനം പാടി നട അടയ്ക്കും.
https://www.facebook.com/Malayalivartha
