ശബരിനാഥനെ അറസ്റ്റ് ചെയ്ത സംഭവത്തില്‍ പ്രതിപക്ഷം നല്‍കിയ അടിയന്തിര പ്രമേയ നോട്ടീസിന് അവതരണാനുമതി നിഷേധിച്ചതില്‍ പ്രതിഷേധിച്ച് പ്രതിപക്ഷം സഭയില്‍ നിന്നിറങ്ങിപ്പോയി.

ഷാഫി പറമ്പിലാണ് നോട്ടീസ് നല്‍കിയത്. കോടതിയുടെ പരിഗണനയിലുള്ള വിഷയമാണെന്ന് മന്ത്രി പി.രാജീവ് സഭയില്‍ . കോടതി പരിശോധിച്ച് ജാമ്യം അനുവദിച്ച കേസാണ്. ഈ വിഷയത്തിന് അടിയന്തര പ്രാധാന്യമില്ലെന്നും പോലീസിന്റെ നടപടി സ്വാഭാവികം മാത്രമാണെന്നും മുഖ്യമന്ത്രിക്ക് വേണ്ടി മന്ത്രി പി.രാജീവ് സഭയില്‍ പറഞ്ഞു.

മുഖ്യമന്ത്രി ഭീരുവാണെന്ന് പ്രതിപക്ഷ നേതാവ് വി.ഡി.സതീശന്‍ വ്യക്തമാക്കി. ചോദ്യങ്ങള്‍ മുഖ്യമന്ത്രി ഒളിച്ചോടുകയാണെന്നും അദ്ദേഹം പറഞ്ഞു. നിയമസഭയിലെ മുന്‍ അംഗമായിരുന്ന ശബരീനാഥനെ കള്ളക്കേസില്‍ കുടുക്കിയത് ചര്‍ച്ച ചെയ്യാന്‍ അനുവദിക്കണമെന്ന് ആവശ്യപ്പെട്ട് സതീശന്‍.

കോടതിയുടെ പരിഗണനയിലിരിക്കെ സോളാര്‍ കേസും ബാര്‍ കോഴ കേസും നിരവധി തവണം സഭയില്‍ ചര്‍ച്ച ചെയ്തിട്ടുണ്ട്. എന്നാല്‍ ഈ സംഭവം സഭയില്‍ അവതരിപ്പിക്കാന്‍ പോലും അനുവദിക്കാത്ത നടപടി ശരിയല്ലെന്നും സതീശന്‍ പറഞ്ഞു.

ആദ്യ സബ് മിഷനായി വിഷയം അവതരിപ്പിക്കാമെന്ന് ഡെപ്യൂട്ടീ സ്പീക്കര്‍ . അടിയന്തര പ്രമേയ നോട്ടീസ് അവതരിപ്പിക്കാനായി അനുവദിക്കില്ലെന്ന് ഡെപ്യൂട്ടി സ്പീക്കര്‍ നിലപാടെടുത്തതോടെ തങ്ങള്‍ സഭയില്‍ നിന്നിറങ്ങിപ്പോകുകയാണെന്ന് പ്രതിപക്ഷ നേതാവ് .