റാന്നി വലിയ പാലത്തില്‍ നിന്നും സ്ത്രീ പമ്പാനദിയിലേക്കു ചാടിയെന്ന് സംശയം... പാലത്തില്‍ ചെരിപ്പും പഴ്സും ഉപേക്ഷിച്ച നിലയില്‍ കണ്ടെത്തി.... തിങ്കളാഴ്ച വൈകുന്നേരം വരെ തെരച്ചില്‍ നടത്തിയെങ്കിലും കണ്ടെത്തിയില്ല.

ഞായറാഴ്ച രാത്രി ഒമ്പതരയോടെ പാലത്തില്‍ നിന്ന് സ്ത്രീ ചാടിയതായി വഴിയാത്രക്കാരാണ് പറഞ്ഞത്. പാലത്തില്‍ ചെരിപ്പും പഴ്സും ഉപേക്ഷിച്ച നിലയില്‍ കണ്ടെത്തിയിട്ടുണ്ടായിരുന്നു.

പഴ്സില്‍ നിന്ന് കിട്ടിയ വിലാസം അനുസരിച്ച് അടൂര്‍ സ്വദേശിനിയുടേതാണ് എന്ന് തിരിച്ചറിഞ്ഞു. ഇവര്‍ ഞായറാഴ്ച രാവിലെ വീട്ടില്‍ നിന്ന് ഇറങ്ങിയതായി അന്വേഷണത്തില്‍ അറിയാന്‍ കഴിഞ്ഞതായി പൊലീസ്.

ഫയര്‍ഫോഴ്സിന്റെ പത്തനംതിട്ടയില്‍ നിന്നുള്ള സ്‌കൂബ ടീമും റാന്നി യൂണിറ്റും വൈകുന്നേരം 6.30 വരെ തെരച്ചില്‍ നടത്തിയെങ്കിലും കണ്ടെത്താന്‍ കഴിഞ്ഞില്ല.