കുഞ്ഞിന്റെ തൊട്ടിൽ കെട്ടൽ ചടങ്ങുകൾ നടക്കുന്നതിനിടെ യുവതി കുഴഞ്ഞ് വീണു മരിച്ചു. കുമ്പള ആരിക്കാടി മുഹിയുദ്ദീന്‍ മസ്ജിദ് റോഡില്‍ അഷ്‌റഫിന്റെ ഭാര്യ സഫാന (25) ആണ് മരിച്ചത്. ഒരു മാസം മുമ്പായിരുന്നു യുവതിയുടെ പ്രസവം.

ആശുപത്രിയിൽ നിന്ന് അമ്മ വീട്ടിലേയ്ക്ക് മടങ്ങിയ സഫാന മുപ്പത്തിയഞ്ചാം ദിവസമായ ചൊവ്വാഴ്ച കുഞ്ഞിന്റെ തൊട്ടിൽ കെട്ടൽ ചടങ്ങുകൾക്കായി ഭർതൃ വീട്ടിൽ എത്തുകയായിരുന്നു.

ദുബൈയിലായിരുന്ന ഭർത്താവ് അഷ്റഫും ഉച്ചയോടെ ആരിക്കാടിയിലെ വീട്ടിൽ എത്തി. അമ്മയെയും കുഞ്ഞിനെയും കണ്ട് നിമിഷങ്ങൾക്കുള്ളിലായിരുന്നു സഫാന കുഴഞ്ഞു വീണത്. ഉടനെ കുമ്പള ജില്ല സഹകരണ ആശുപത്രിയില്‍ എത്തിച്ചെങ്കിലും ഡോക്ടര്‍മാര്‍ മരിച്ചതായി സ്ഥിരീകരിച്ചു.