സമസ്ത കേരള ജംഇയ്യത്തുല്‍ ഉലമ(എ.പി വിഭാഗം) ജനറല്‍ സെക്രട്ടറിയുമായ കാന്തപുരം എ പി അബൂബക്കര്‍ മുസ്ലിയാരുടെ പ്രവര്‍ത്തനങ്ങള്‍ക്ക് സൗദി അറേബ്യ വിലക്കേര്‍പ്പെടുത്തിയതായി റിപ്പോര്‍ട്ട്. സൗദി അറേബ്യയില്‍ സംഘടനാ പ്രവര്‍ത്തനം നടത്തിയതിനാണ് നടപടി എടുത്തതെന്നാണ് മീഡിയാ വണ്‍ ചാനല്‍ റിപ്പോര്‍ട്ട് ചെയ്തത്. എന്നാല്‍ അങ്ങനെയൊരു കാര്യം അറിയില്ലെന്ന് കാന്തപുരവുമായി അടുപ്പമുള്ളവര്‍ പറഞ്ഞു.
സൗദി മതകാര്യ മന്ത്രാലയമാണ് കാന്തപുരത്തിന് വിലക്കേര്‍പ്പെടുത്തിയതെന്നാണ് ചാനല്‍ റിപ്പോര്‍ട്ട്. മതകാര്യ മന്ത്രാലയത്തിന്റെ ഉത്തരവെന്ന വിധത്തില്‍ ഒരു കത്തും പുറത്തുവിട്ടിട്ടുണ്ട്.
ഇസ്ലാം മതത്തിനു വിരുദ്ധമായി പ്രവര്‍ത്തിച്ചു എന്ന ചൂണ്ടിക്കാട്ടിയാണ് കാന്തപുരത്തിനും അദ്ദേഹത്തിന്റെ സംഘടനയ്ക്കും സൗദി വിലക്കേര്‍പ്പെടുത്തിയത് എന്നാണ് റിപ്പോര്‍ട്ടി പറയുന്നത്. സൗദി ഗ്രാന്‍ഡ് മുഫ്തിയുടേയും മതകാര്യ മന്ത്രാലയം മക്ക കേന്ദ്രത്തിന്റെയും കത്തുകളുടെ അടിസ്ഥാനത്തിലാണ് മതകാര്യ മന്ത്രാലയത്തിന്റെ ഉത്തരവിട്ടത്.
ഇന്ത്യയിലെ ബറെല്‍വി ചിന്താധാരയുടെ തെക്കേഇന്ത്യയിലെ വക്താവാണ് കാന്തപുരമെന്നും സെപ്റ്റംബര്‍ ആറിനു പുറത്തിറക്കിയ ഉത്തരവ് പറയുന്നു. സൗദിയില്‍ കാന്തപുരത്തിന്റെ പരിപാടികള്‍ നടക്കുന്നുടെങ്കില്‍ അറിയിക്കണമെന്നും സര്‍ക്കുലറില്‍ ആവശ്യപ്പെട്ടിട്ടുണ്ട്.
വിലക്ക് ഈ മാസം ആറിന് നിലവില്‍ വന്നതാണെങ്കിലും കഴിഞ്ഞദിവസം ദമാമില്‍ നടത്താനിരുന്ന പരിപാടി തടഞ്ഞതോടെയാണ് സംഭവം പുറത്തറിയുന്നത്. അതേസമയം സോഷ്യല്‍ മീഡിയയില്‍ പ്രചരിച്ചതാണ് ഈ കത്തെന്നും കത്ത് അവാസ്തവമാണെന്നുമാണ് കാന്തപുരത്തെ അനുകൂലിക്കുന്നവര്‍ ചൂണ്ടിക്കാട്ടുന്നത്. ഈ വിലക്ക് നിലനില്‍ക്കേ തന്നെ കാന്തപുരം സൗദിയില്‍ എത്തിയിരുന്നു എന്നും കാന്തപുരം പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha