സ്വാമി ശാശ്വതീകാനന്ദയുടെ മരണത്തില്‍ സി.ബി.ഐ അന്വേഷണം വേണമെന്ന് ആവശ്യപ്പെട്ട് കേസില്‍ ആരോപണ വിധേയനായ പ്രിയന്‍ ഹൈക്കോടതിയെ സമീപിച്ചു. കേസ് െ്രെകംബ്രാഞ്ച് നേരത്തെ അന്വേഷിച്ചതാണെന്നും ഇനിയും െ്രെകംബ്രാഞ്ച് അന്വേഷിക്കുന്നതില്‍ കാര്യമില്ലെന്നും അതുകൊണ്ട് സി.ബി.ഐ അന്വേഷണമാണ് വേണ്ടെതെന്നുമാണ് പ്രിയന്റെ ഹര്‍ജിയില്‍ പറയുന്നത്. ഹര്‍ജി കോടതി നാളെ പരിഗണിച്ചേക്കും.
സ്വാമിയുടെ മരണവുമായി ബന്ധപ്പെട്ട് നേരത്തെ െ്രെകംബ്രാഞ്ചിന്റെ ചോദ്യംചെയ്യലിന് വിധേയനായ ആളാണ് പ്രിയന്‍. ശാശ്വതീകാനന്ദ സ്വാമിയെ വെള്ളാപ്പള്ളി നടേശന് വേണ്ടിയാണ് പ്രവീണ്‍ വധക്കേസിലെ പ്രതിയായ പ്രിയന്‍ കൊലപ്പെടുത്തിയതെന്ന് ബിജു രമേശ് ആരോപിച്ചിരുന്നു. ഇക്കാര്യം പ്രിയന്‍ തന്നോട് ഫോണില്‍ പറഞ്ഞിട്ടുണ്ടെന്നും ആസൂത്രിതമായി നടത്തിയ കൊലപാതകമായിരുന്നു ഇതെന്നുമായിരുന്നു ബിജു രമേശിന്റെ ആരോപണം.

പോലീസിന്റെ അന്വേഷണത്തില്‍ കൊലപാതകത്തിന് തെളിവ് ലഭിച്ചിരുന്നില്ല. മരണത്തില്‍ അസ്വാഭാവികതയില്ലെന്നായിരുന്നു െ്രെകംബ്രാഞ്ചിന്റെ കണ്ടെത്തല്‍. ഇപ്പോള്‍ കേസ് വീണ്ടും വിവാദമായതിനെത്തുടര്‍ന്ന് കഴിഞ്ഞ ദിവസമാണ് സര്‍ക്കാര്‍ പുനരന്വേഷണം പ്രഖ്യാപിച്ചത്. 2002 ജൂലായ് ഒന്നിനാണ് ശാശ്വതീകാനന്ദയെ ആലുവാപ്പുഴയില്‍ മുങ്ങിമരിച്ചനിലയില്‍ കണ്ടത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha