നരബലിക്കേസിലെ പ്രതികളായ മുഹമ്മദ് ഷാഫി, ഭഗവല് സിങ്, ഭാര്യ ലൈല എന്നിവരെ രണ്ടാഴ്ചത്തേക്ക് റിമാന്ഡ് ചെയ്തു... താന് വിഷാദ രോഗിയാണെന്നും ഉയര്ന്ന രക്തസമ്മര്ദ്ദമുണ്ടെന്നും ലൈല കോടതിയില്.... റിമാന്ഡില് വിട്ട പ്രതികളെ കാക്കനാട് ജില്ലാ ജയിലിലേക്കു മാറ്റും
നരബലിക്കേസിലെ പ്രതികളായ മുഹമ്മദ് ഷാഫി, ഭഗവല് സിങ്, ഭാര്യ ലൈല എന്നിവരെ രണ്ടാഴ്ചത്തേക്ക് റിമാന്ഡ് ചെയ്തു... താന് വിഷാദ രോഗിയാണെന്നും ഉയര്ന്ന രക്തസമ്മര്ദ്ദമുണ്ടെന്നും ലൈല കോടതിയില്.... റിമാന്ഡില് വിട്ട പ്രതികളെ കാക്കനാട് ജില്ലാ ജയിലിലേക്കു മാറ്റും
പ്രതികളെ ജുഡിഷ്യല് മജിസ്ട്രേറ്റ് കോടതിയില് രാവിലെ ഹാജരാക്കിയിരുന്നു. പത്തു ദിവസത്തേക്കു പ്രതികളെ കസ്റ്റഡിയില് വേണമെന്നായിരുന്നു പൊലീസിന്റെ ആവശ്യം. മുഹമ്മദ് ഷാഫി വേറെ സ്ത്രീകളെയും പൂജയില് പങ്കാളിയാകാന് ആവശ്യപ്പെട്ട് സമീപിച്ചെന്ന വെളിപ്പെടുത്തലുകളുടെ അടിസ്ഥാനത്തില് കൂടുതല് ചോദ്യം ചെയ്യേണ്ടതുണ്ട് എന്നാണ് പൊലീസ് നിലപാട്.
അതിനിടെ, പൊലീസിനെതിരെ പരാതിയില്ലെന്ന് പ്രതികള് കോടതിയില് പറഞ്ഞു. കസ്റ്റഡി അപേക്ഷ പൊലീസ് ഇന്നു തന്നെ നല്കും.
തിരിച്ചറിയാതിരിക്കാനായി മുഖം മറച്ചാണ് പ്രതികളെ രാവിലെ കടവന്ത്ര പൊലീസ് സ്റ്റേഷനിലും പിന്നീടു കോടതിയിലും എത്തിച്ചത്. ഷാളില് മുഖം മറച്ചാണു ലൈലയെ എത്തിച്ചത്.
ഇന്നു പുലര്ച്ചയോടെ കൊച്ചിയില് എത്തിച്ച പ്രതികളെ കോടതിയില് ഹാജരാക്കുന്നതിനു മുന്നോടിയായി കടവന്ത്ര സ്റ്റേഷനില് എത്തിക്കുകയായിരുന്നു. എറണാകുളം സിറ്റി ഡപ്യൂട്ടി കമ്മിഷണറുടെ നേതൃത്വത്തിലാണു സ്റ്റേഷനില് എത്തിച്ചത്. ഉടന് തന്നെ കോടതിയിലേക്കു കൊണ്ടു പോയി.
"
https://www.facebook.com/Malayalivartha
