കേരള സർക്കാരിനെ വീണ്ടും കുടുക്കുന്ന കുറെ വെളിപ്പെടുത്തലുകളുമായാണ് സ്വപ്ന സുരേഷ് രംഗത്ത് എത്തിയത്. മുൻ ദേവസ്വം മന്ത്രി കടകംപള്ളി സുരേന്ദ്രന്‍, പി ശ്രീരാമകൃഷ്ണന്‍, തോമസ് ഐസക്ക് എന്നിവര്‍ക്ക് എതിരെയാണ് സ്വപ്‍ന സുരേഷ് ആരോപണങ്ങള്‍ ഉന്നയിച്ചത്. മൂന്നാറിലേക്ക് ക്ഷണിക്കുകയും മൂന്നാർ സുന്ദരമായ സ്ഥലമാണെന്ന് തോമസ് ഐസക്ക് പറയുകയും ചെയ്തെന്നായിരുന്നു സ്വപ്‍നയുടെ ആരോപണം.

കൂടാതെ സൂചനകൾ തന്നാണ് തോമസ് ഐസക്ക് പെരുമാറിയതെന്നും സ്വപ്ന വെളിപ്പെടുത്തിയിരുന്നു. ഒരു എംഎൽഎയോ മന്ത്രിയോ ആയിരിക്കാൻ യോഗ്യതയില്ലാത്ത വ്യക്തിയാണ് കടകംപള്ളി സുരേന്ദ്രനെന്നായിരുന്നു സ്വപ്നയുടെ ആരോപണം. ഇപ്പോഴിതാ ഇത് മുൻനിർത്തി ഫേസ്ബുക്കിൽ കുറിപ്പ് പങ്കുവച്ചിരിക്കുകയാണ് അഞ്ജു പാർവതി പ്രഭീഷ്.

ഫേസ്ബുക്ക് കുറിപ്പ് ഇങ്ങനെ;

നാലാൾക്ക് മുന്നിൽ അന്തസ്സോടെ പറയാൻ കഴിയുന്ന പ്രസ്ഥാനവും അതിൻ്റെ മേലാളന്മാരും! ആഹാ അന്തസ്സ്! ഒരു സ്ത്രീയ്ക്ക് അശ്ലീലച്ചുവയുള്ള സന്ദേശങ്ങൾ അയയ്ക്കുന്നതും ഹോട്ടൽ മുറിയിലേയ്ക്ക് ക്ഷണിക്കുന്നതും " കടകം "സ്റ്റൈൽ അന്തസ്സ്! ഒരു സ്ത്രീയ്ക്ക് ഐ ലവ് യൂ അയയ്ക്കുന്നതും ഒറ്റയ്ക്ക് ഔദ്യോഗിക വസതിയിലേക്ക് ക്ഷണിക്കുന്നതും രാമകൃഷ്ണ സ്റ്റൈൽ അന്തസ്സ്!

അതുക്കും മേലെ മര്യാദയോടെ മൂന്നാറിലെ മൂവന്തിലേയ്ക്ക് ക്ഷണിക്കുന്നത് മസാല ബോണ്ട് അന്തസ്സ്!
വഞ്ചകീ നിൻ്റെ കൊഞ്ചൽ മോഡലിനേക്കാൾ പരിതാപകരം ഈ കമ്മി സ്റ്റൈൽ പ്രലോഭനങ്ങൾ!
അപരാധക്കഥകൾ മാത്രം പറയാനുള്ള ഒരു പ്രസ്ഥാനത്തിനെ അന്തസ്സായി കാണുന്ന എല്ലാ കമ്മിണികൾക്കും സമർപ്പയാമി!