രാജിവയ്ക്കില്ല! പുറത്താക്കണമെങ്കില് പുറത്താക്കട്ടേ.... രാജിവയ്ക്കണമെന്ന ഗവര്ണര് ആരിഫ് മുഹമ്മദ് ഖാന്റെ ആവശ്യം തള്ളി കണ്ണൂര് വിസി ഗോപിനാഥ്, ഒന്പത് സര്വ്വകലാശാലകളിലെ വിസിമാരോട് നാളെ തന്നെ രാജി സമര്പ്പിക്കാൻ ഉറപ്പിച്ച് ഗവർണർ ആരിഫ് മുഹമ്മദ് ഖാൻ
രാജിവയ്ക്കണമെന്ന ഗവര്ണര് ആരിഫ് മുഹമ്മദ് ഖാന്റെ ആവശ്യം തള്ളിക്കൊണ്ട് രംഗത്ത് എത്തിയിരിക്കുകയാണ് കണ്ണൂര് വിസി. രാജിവയ്ക്കില്ലെന്നും പുറത്താക്കണമെങ്കില് പുറത്താക്കട്ടേയെന്നും കണ്ണൂര് വിസി ഗോപിനാഥ് മാധ്യമങ്ങളോട് പ്രതികരിക്കുകയുണ്ടായി. കൂടാതെ ഗവര്ണറുടെ നടപടിയില് പ്രതികരിക്കാനില്ലെന്നായിരുന്നു കുസാറ്റ് വിസിയുടെ പ്രതികരണം.
അതേസമയം ഒന്പത് സര്വ്വകലാശാലകളിലെ വിസിമാരോട് നാളെ തന്നെ രാജി സമര്പ്പിക്കാനാണ് ഗവര്ണര് നിര്ദ്ദേശം നല്കിയിരിക്കുന്നത്. യുജിസി ചട്ടം പാലിക്കാത്തതിന്റെ പേരില് സാങ്കേതിക സര്വ്വകലാശാല വിസി നിയമനം റദ്ദാക്കിയ സുപ്രീംകോടതി ഉത്തരവിന്റെ അടിസ്ഥാനത്തിലാണ് ഗവര്ണറുടെ അസാധാരണ നടപടി.
കേരള സര്വ്വകലാശാല, എംജി സര്വ്വകലാശാല, കൊച്ചി സര്വ്വകലാശാല, ഫിഷറീസ് സര്വ്വകലാശാല, കണ്ണൂര് സര്വ്വകലാശാല, സാങ്കേതിക സര്വ്വകലാശാല, ശ്രീശങ്കരാചാര്യ സംസ്കൃത സര്വ്വകലാശാല, കാലിക്കറ്റ് സര്വ്വകലാശാല, മലയാളം സര്വ്വകലാശാല എന്നിവടങ്ങളിലെ വിസിമാരോടാണ് ഗവർണർ രാജി ആവശ്യപ്പെട്ടിരിക്കുന്നത്.
കൂടാതെ നാളെ 11.30 ന് രാജിക്കത്തു രാജ്ഭവനിൽ എത്തിക്കണം എന്നും അദ്ദേഹം പറയുകയുണ്ടായി. യുജിസി മാനദണ്ഡം ലംഘിച്ചുള്ള നിയമനം എന്ന നിലക്കാണ് നടപടി എന്ന് രാജ്ഭവൻ വ്യക്തമാക്കിയിരിക്കുന്നത്. അഞ്ച് വിസിമാർ ഒറ്റപേരിലുള്ള ശുപാര്ശയില് നിയമിച്ചവരാണ്. നാല് പേരുടെ നിയമനത്തിനുള്ള സെർച്ച് കമ്മിറ്റിയിൽ അക്കാദമിക് വിദഗ്ധർ ഇല്ലെന്നും രാജ്ഭവന് വിശദീകരിക്കുകയുണ്ടായി.
https://www.facebook.com/Malayalivartha
