കോഹ്ലിയുടെ കാലം കഴിഞ്ഞെന്ന് പറഞ്ഞവരൊക്കെ എവിടേ? ഒറ്റയാൾ പോരാട്ടമെന്ന് വിളിക്കുന്നത് ഇതിനെയാണ്. കൊഹ്‌ലിയെ പ്രശംസിച്ച് രംഗത്ത് വന്നിരിക്കുകയാണ് ഡോ. നെൽസൺ ജോസഫ്.  അദ്ദേഹത്തിന്റെ വാക്കുകൾ ഇങ്ങനെ; കോഹ്ലിയുടെ കാലം കഴിഞ്ഞെന്ന് പറഞ്ഞവരൊക്കെ എവിടേ?

ഒറ്റയാൾ പോരാട്ടമെന്ന് വിളിക്കുന്നത് ഇതിനെയാണ്. ഒരു അസാധ്യമായ സാഹചര്യമായിരുന്നു വിരാട് കോഹ്ലിക്ക് മുന്നിലുണ്ടായിരുന്നത്. മുപ്പത്തിയൊന്ന് റണ്ണിന് നാല് വിക്കറ്റ്. പാക്കിസ്ഥാൻ്റെ പേസർമാർ തീയുണ്ട വർഷിക്കുന്നു. അസാധ്യ ഫോമിലുള്ള ഹാരിസ് റൗഫ്.. അപ്പുറത്ത് ടൈമിങ്ങ് കിട്ടാതെ പതറുന്ന ഹാർദിക് പാണ്ഡ്യ.

അവസാന ഇരുപത് പന്തിൽ വേണ്ടത് അൻപത്. അവിടെ നിന്ന് ഇന്ത്യയെ വിജയത്തിലെത്തിച്ച അസാധ്യ ഇന്നിങ്ങ്സ്. ക്രീസിൽ നിന്ന് മനോഹരമായ ഫുട് വർക്കുകളോടെ ഇരുപത് റണ്ണെടുത്ത ഓവറിൽ തൂക്കിയ സിക്സ്. അതു വരെ കിടിലമായി പന്തെറിഞ്ഞ ഹാരിസ് റൗഫിൻ്റെ പത്തൊൻപതാം ഓവറിൽ അഞ്ചാം പന്തിൽ സ്ട്രെയിറ്റ് പറത്തിയ സിക്സിനെ എന്ത് പറഞ്ഞ് വർണിക്കാൻ കഴിയും?

ആ ഓവറിലെ അവസാന പന്തിലെ സിക്സിലൂടെ ഇന്ത്യയ്ക്ക് പ്രതീക്ഷ സമ്മാനിക്കാൻ കഴിഞ്ഞു വിരാടിന്. അവസാന ഓവറിൽ ഹാർദിക് പാണ്ഡ്യ ആദ്യ പന്തിൽ ഔട്ടായപ്പൊ തീർന്നെന്ന് കരുതിയതാണ്. അവിടെയും കോഹ്ലി തോൽവി അംഗീകരിച്ചില്ലായിരുന്നു.. അരയ്ക്ക് മുകളിലെത്തിച്ച പന്തിൽ പറത്തിയ സിക്സറും ഫ്രീഹിറ്റിലെ മൂന്ന് റണ്ണും. ബ്രില്യൻ്റ്...

ഓർക്കണം, ഒരു ഒന്നൊന്നര മാസം മുൻപ് വരെ ഇയാളെ ടീമിലെടുക്കരുതെന്ന് വാദിച്ചവരാണ് ഭൂരിപക്ഷം. അന്നേ പറഞ്ഞിരുന്നു... " ഇത് കോഹ്ലിയാണ്...അയാൾ തിരിച്ചുവരും " What a player man..what a player. This is why, this man is called a genius .