തദ്ദേശഭരണ തെരഞ്ഞെടുപ്പിലെ തോല്‍വി മുഖ്യമന്ത്രിക്കസേര തെറിപ്പിക്കാനുള്ള അവസരമാക്കാന്‍ ചെന്നിത്തലയും, സുധീരനും. പരാജയത്തിനു കാരണം ഉറച്ച തീരുമാനങ്ങളെടുക്കുന്നതിന് ഭരണനേതൃത്വമേറ്റെടുത്തിരിക്കുന്നവര്‍ക്കു കഴിവില്ലാത്തതാണെന്ന് ആദ്യ വെടിപൊട്ടി. അജയ് തറയില്‍ തുടങ്ങിയ ആക്രമണം ടി.എന്‍. പ്രതാപനും, വി.ഡി. സതീശനും ഏറ്റുപിടിച്ചു. തൊട്ടുപിന്നാലെ വലിയ തോല്‍വിയെന്നും കാരണമനേ്വഷിക്കുമെന്നും സുധീരന്‍. ഒടുവില്‍ രമേശ് ചെന്നിത്തലയും വെടിപൊട്ടിച്ചു. \'തൊലിപ്പുറത്തെ ചികിത്സ പോര\'.
തന്ത്രശാലിയായ ഉമ്മന്‍ചാണ്ടിയുടെ അടുത്ത നീക്കമെന്ത്. സീറ്റുചര്‍ച്ചകള്‍ക്കിടയില്‍ ലീഗു നേതൃത്വത്തെ വെറുപ്പിച്ചത് സുധീരനും, ചെന്നിത്തലയുമാണെന്ന് \'എ\' ഗ്രൂപ്പ് പറയുന്നു. ലീഗിനെ വെറുപ്പിച്ചു. ബാര്‍കോഴ ആയുധമാക്കിയും \'ഐ\' ഗ്രൂപ്പ് പിന്നില്‍ നിന്നു കുത്തിയെന്ന് \'എ\' ഗ്രൂപ്പ് വിശ്വസിക്കുന്നു.
യു.ഡി.എഫ് പൊട്ടിത്തെറിയിലേക്കാണ് നീങ്ങുന്നത്. മുനിസിപ്പാലിറ്റി ഒഴികെയുള്ള തദ്ദേശസ്ഥാപനങ്ങളിലേക്ക് എല്‍.ഡി.എഫ്. മികച്ച മുന്നേറ്റം നടത്തിയപ്പോള്‍ യു.ഡി.എഫിന് കനത്ത തിരിച്ചടിയായി. നിയമസഭാ തിരഞ്ഞെടുപ്പിന് മുന്നോടിയായി നടക്കുന്ന സെമിഫൈനല്‍ എല്‍.ഡി.എഫിന് അനുകൂലമായപ്പോള്‍ ബി.ജെ.പി സംസ്ഥാന വ്യാപകമായി മുന്നേറ്റം നടത്തി.
എല്‍.ഡി.എഫിന്റെ ഭാഗമായി ജനവിധി തേടിയ ആര്‍. ബാലകൃഷ്ണ പിള്ളക്ക് കനത്ത തിരിച്ചടിയാണ് ഏറ്റത്. കൊട്ടാരക്കരയില്‍ മത്സരിച്ച എട്ടിടത്തും കേരളാ കോണ്‍ഗ്രസ് ബി തോല്‍വി രുചിച്ചു. ഗ്രാമപഞ്ചായത്തുകളിലാണ് സി.പി.ഐ (എം) വന്‍ മുന്നേറ്റം നടത്തിയത്. ബ്ലോക്ക് പഞ്ചായത്തുകളിലും മികച്ച മുന്നേറ്റം നടത്തി. ജില്ലാ പഞ്ചായത്തുകളിലും മികച്ച മുന്നേറ്റമാണ് സി.പി.ഐ (എം) നടത്തിയത്.

സംസ്ഥാന രാഷ്ട്രീയത്തിലെ വിവാദ വിഷയങ്ങളും തദ്ദേശ വിഷയങ്ങളും ഒരുപോലെ ചര്‍ച്ച ചെയ്ത അതിനിര്‍ണ്ണായകമായ തദ്ദേശ സ്വയംഭരണ സ്ഥാപനങ്ങളിലേക്ക് നടന്ന തിരഞ്ഞെടുപ്പ് സംസ്ഥാന രാഷ്ട്രീയത്തില്‍ വന്‍ ചലനങ്ങള്‍ ഉണ്ടാക്കുമെന്ന കാര്യം ഉറപ്പാണ്. നിയമസഭാ തെരഞ്ഞെടുപ്പിന് മുന്നോടിയായി നടക്കുന്ന സെമിഫൈനല്‍ എന്ന് രാഷ്ട്രീയ നിരീക്ഷകര്‍ വിലയിരുത്തുന്ന തിരഞ്ഞെടുപ്പില്‍ അന്തിമ വിജയം തലനാരിഴകീറി വിശകലനം ചെയ്യപ്പെടുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha