സിനിമാ രാഷ്ട്രീയക്കാരില് ജനം തുണച്ചത് ദലീമയെ മാത്രം
സ്ക്രീനില് സല്ഗുണ സമ്പന്നന്മാരായി പ്രേക്ഷകരുടെ മനസ്സില് സ്ഥാനം ഉണ്ടെങ്കിലും കേരളത്തിലെ ജനങ്ങള്ക്ക് ഇപ്പോഴും സെലിബ്രിട്ടികളുടെ രാഷ്ട്രീയ ഇടപെടല് അത്ര പിടിക്കുന്നില്ലെന്നു തന്നെയാണ് തദ്ദേശ തെരഞ്ഞെടുപ്പും തെളിയിക്കുന്നത്. തദ്ദേശ തെരഞ്ഞെടുപ്പില് വിവിധ മുന്നണികള് സ്ഥാനാര്ത്ഥിയാക്കി രംഗത്തിറക്കിയ സെലിബ്രിട്ടികളില് ഭൂരിഭാഗവും എട്ടു നിലയില് പൊട്ടിയപ്പോള് വിജയം നേടാനായത് പാട്ടുകാരി ദലീമയ്ക്ക് മാത്രം.
ആലപ്പുഴ ജില്ലാ പഞ്ചായത്തിലേക്ക് വനിതാ സംവരണഡിവിഷനായ അരൂരില് നിന്നായിരുന്നു ദലീമയുടെ മത്സരം. അരൂരുകാരിയായ ദലീമയെ എല്ഡിഎഫ് ആണ്്്് ഇവിടെ മത്സരിക്കാന് ഇറക്കിയത്്. 20 വര്ഷമായി അരൂരില് താമസിക്കുന്ന ദലീമ ക്രിസ്ത്യന് ഭക്തിഗാനങ്ങളും സിനിമാഗാനങ്ങളുമായി നൂറിലേറെ ഗാനങ്ങള് ആലപിച്ചിട്ടുണ്ട്. കന്നി അങ്കത്തില് തന്നെ ജയിച്ച ദലീമ ഇനി ജനക്ഷേമം ലക്ഷ്യമാക്കിയുള്ള പ്രവര്ത്തനവുമായി മുന്നോട്ടു പോകാനാണ് ഉദ്ദേശിക്കുന്നത്.
പക്ഷേ ദലീമയുടെ വിജയം മറ്റുള്ളവര്ക്ക് ഉണ്ടാക്കാനായില്ല. പരാജയപ്പെട്ട സെലിബ്രിട്ടികളില് ഏറ്റവും പ്രമുഖ ടെലിവിഷന് താരമായ വീണ എസ് നായരാണ്. തിരുവനന്തപുരം കോര്പ്പറേഷനില് ശാസ്തമംഗലത്ത് നിന്നും കോണ്ഗ്രസ് ടിക്കറ്റില് മത്സരത്തിച്ച വീണയ്ക്ക് വേണ്ടി പ്രചരണത്തിനിറങ്ങിയത് ശശി തരൂരിനെ പോലെയുള്ള വമ്പന്മാരായിരുന്നു. എന്നാല് ജനഹിതത്തിന്റെ കാര്യത്തില് സിപിഎം സ്ഥാനാര്ത്ഥി ബിന്ദു ശ്രീകുമാര് വീണയെ പരാജയപ്പെടുത്തി.
മോഡല് എന്നതിനേക്കാള് കേരളത്തില് ഏറെ ചര്ച്ച ചെയ്യപ്പെട്ട \'കിസ് ഓഫ് ലവ്\' നായിക എന്ന നിലയിലാണ് ഹെന്ന മരിയാ കെന്നഡി അറിയപ്പെട്ടിരുന്നത്. ബിജെപിയുടെ സദാചാര ഇടപെടലില് പ്രതിഷേധിച്ച് മനുഷ്യാവകാശ പ്രവര്ത്തകര് സംഘടിപ്പിച്ച \'കിസ് ഓഫ് ലവ്\' നായികയായ ഹെന്ന മരിയാ കെന്നഡിയെ കളമശേരി നഗരസഭയിലേക്ക് ബിജെപി സ്ഥാനാര്ത്ഥിയാക്കിയത് ഏറ്റവും വലിയ വിരോധാഭാസം ആയിരുന്നു. എന്നാല് കിട്ടിയത് വെറും 47 വോട്ട്.
സിനിമയിലും സീരിയലിലും ശ്രദ്ധേയമായ വേഷം ചെയ്തിട്ടും നടി സോണിയാ ജോസിനെയും രാഷ്ട്രീയക്കാരി എന്ന നിലയില് ജനം സമ്മതിച്ചില്ല. പൊതുവേ കേരളത്തില് അത്ര ഗ്രിപ്പില്ലാത്ത ശിവസേനയുടെ സ്ഥാനാര്ത്ഥിയായി കൊച്ചി കോര്പ്പറേഷനിലേക്ക് മത്സരിച്ച ഈ കോട്ടയംകാരിക്ക് കിട്ടിയത് വെറും 33 വോട്ട്. പട്ടാമ്പിയിലെ തൃത്താല പഞ്ചായത്തിലേക്ക് 11- ാം വാര്ഡില് നിന്നും സ്വതന്ത്രനായി മത്സരിച്ച നിര്മ്മാതാവും നടനുമായ കണ്ണന് പട്ടാമ്പിക്കും ജയിക്കാനായില്ല.
തോറ്റുപോയ മറ്റൊരു പ്രമുഖ സെലിബ്രിട്ടി സംവിധായകന് അലി അക്ബറാണ്. ആം ആദ്മി പാര്ട്ടിക്കൊപ്പം ലോക്സഭയിലേക്ക മത്സരിച്ചതിന് പിന്നാലെ അദ്ദേഹം വീണ്ടും ജനസമ്മതി പരീക്ഷിക്കാന് എത്തിയത് കോഴിക്കോട് കോര്പ്പറേഷനിലെ അരീക്കോട്ട് നിന്നുമാണ്. ബിജെപി സ്ഥാനാര്ത്ഥിയായി മത്സരിച്ച ഇദ്ദേഹത്തിന് കിട്ടിയത് വെറും 396 വോട്ടുകള് മാത്രമായിരുന്നു. വന് മുന്നേറ്റം ഉണ്ടാക്കിയ ഇടതിനൊപ്പം എന്സിപി സാരഥിയായി ഇറങ്ങിയ നിര്മ്മാതാവ് മമ്മി സെഞ്ച്വറിക്കും ഉണ്ടാക്കാനായില്ല നേട്ടം. യുഡിഎഫ് സ്ഥാനാര്ത്ഥിയോട് തോറ്റു. എറണാകുളത്തെ കീഴ്മാട് ഡിവിഷനില് നിന്നുമായിരുന്നു മത്സരം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
