വിജിലന്സ് ഡയറക്ടര്ക്കെതിര ഹൈക്കോടതി, അന്വേഷണ ഉദ്യോഗസ്ഥന്റെ റിപ്പോര്ട്ട് വകവെച്ചില്ലെന്നും കോടതി നിരീക്ഷണം
ബാര്ക്കോഴ വിഷയത്തില് വിജിലന്സ് ഡയറകടര്ക്കെതിരെ ഹൈക്കോടതി പരാമര്ഷം. വിജിലന്സ് ഡയറക്ടര് അന്വേഷണ ഉദ്യോഗസ്ഥന്റെ റിപ്പോര്ട്ട് വകവെച്ചില്ലെന്നും സ്വകാര്യ അഭിഭാഷകന്റെ അഭിപ്രായങ്ങളാണ് പരിഗണിച്ചതെന്നും കോടതി നിരീക്ഷിച്ചു. വിജിലന്സ് ഡയറക്ടര് അന്വേഷണ സംഘത്തിന്റെ ഭാഗമാണെന്നും ബാര്കോഴ കേസില് വിജിലന്സ് ഡയറക്ടര് അധികാരപരിധി ലംഘിച്ചിട്ടില്ലെന്നും സുപ്രീംകോടതി അഭിഭാഷകന് കപില്സിബല് വാദിച്ചപ്പോള് അത് മുഖവിലയ്ക്കെടുക്കാന് കോടതി തയ്യാറായില്ല. ബാര്ക്കോഴക്കേസില് തിരുവനന്തപുരം വിജിലന്സ് കോടതി വിധിക്കെതിരെ വിജിലന്സ് ഡയറക്ടര് നല്കിയ അപ്പീലില് ഹൈകോടതിയില് വാദം നടക്കവെയാണ് കോടതിയുടെ നിരീക്ഷണം.
വിജിലന്സിന് വേണ്ടി ഹാജരായത് സുപ്രീംകോടതിയിലെ മുതിര്ന്ന അഭിഭാഷകനായ കപില്സിബല് ലായിരുന്നു. വിജിലന്സ് ഡയറക്ടര് വിജിലന്സ് മാന്വലിനെതിരായി പ്രവര്ത്തിച്ചിട്ടില്ലന്നും മാന്വല് പ്രകാരം ഡയറക്ടര്ക്ക് ചില അധികാര അവകാശങ്ങളുണ്ടെന്നും ഇതിന്റെ പരിധിക്കുള്ളില് നിന്നുകൊണ്ടാണ് പ്രവര്ത്തിച്ചിട്ടുള്ളതെന്നും സിബല് വാദിച്ച. ബാര്കോഴ കേസില് അന്വേഷണ ഉദ്യോഗസ്ഥനെ തിരുത്തുന്ന നടപടിയും വിജിലന്സ് ഡയറക്ടര് കൈക്കൊണ്ടിട്ടില്ല. ഇക്കാര്യത്തില് നിയമപരമായ നടപടികള് മാത്രമാണ് ഡയറക്ടര് സ്വീകരിച്ചിട്ടുള്ളതെന്നും സിബല് തന്റെ പ്രാഥമിക വാദത്തില് കപില് സിബല് വ്യക്തമാക്കി.
കേസില് വാദം ആരംഭിച്ചയുടന് തന്നെ വിജിലന്സ് ഡയറക്ടര് അധികര പരിധി ലംഘിച്ചിട്ടില്ലേ എന്ന് ഹൈകോടതി ജഡ്ജി കെമാല്പാഷ സിബലിനോട് ചോദിച്ചിരുന്നു. കേസിന്റെ മെറിറ്റിലേക്ക് കടക്കേണ്ടെന്നും വിജിലന്സ് ഡയറക്ടര് പരിധി ലംഘിച്ചോ ഇല്ലയോ എന്ന കാര്യത്തിലാണ് വാദം നടക്കേണ്ടതെന്നും കോടതി സൂചിപ്പിച്ചു.
വിജിലന്സിനെതിരെയുള്ള കോടതി ഉത്തരവ്, വിജിലന്സിന്റെ പ്രതിഛായയെ ബാധിക്കുമെന്നും ഹൈകോടതിയുടെ പ്രത്യേക അധികാരം ഉപയോഗിച്ച് വിജിലന്സ് കോടതി ഉത്തരവ് റദ്ദാക്കണമെന്നുമാവശ്യപ്പെട്ടാണ് വിജിലന്സ് ഹൈകോടതിയെ സമീപിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
