സങ്കടം അടക്കാനാവാതെ ... മലപ്പുറത്ത് സ്കൂട്ടര് മറിഞ്ഞ് രണ്ട് വിദ്യാര്ത്ഥികള്ക്ക് ദാരുണാന്ത്യം....
സങ്കടം അടക്കാനാവാതെ ...മലപ്പുറത്ത് സ്കൂട്ടര് മറിഞ്ഞ് രണ്ട് വിദ്യാര്ത്ഥികള്ക്ക് ദാരുണാന്ത്യം.... അമ്മിനിക്കാട് കൊടികുത്തി മലയിറങ്ങുന്നതിനിടെയാണ് സ്കൂട്ടര് മറിഞ്ഞത്. ഞായറാഴ്ച പകല് മൂന്നരയോടെ കൊടികുത്തിമലയിറങ്ങുന്നതിനിടെ സ്കൂട്ടര് നിയന്ത്രണംവിട്ട് മറിഞ്ഞത്.
സംസ്ഥാന ഭക്ഷ്യ കമീഷന് അംഗവും സിപിഐ എം മലപ്പുറം ജില്ലാ സെക്രട്ടറിയറ്റംഗവുമായ പെരിന്തല്മണ്ണ കെഎസ്ആര്ടിസിക്കുസമീപം 'തണല്' വീട്ടില് വി രമേശന്റെ മകന് അക്ഷയ് (19), പെരിന്തല്മണ്ണ മുട്ടുങ്ങല് കാവുങ്ങല് വീട്ടില് പരേതനായ മണികണ്ഠന്റെ മകന് ശ്രേയസ് (21) എന്നിവരാണ് മരിച്ചത്.
പെരിന്തല്മണ്ണ വള്ളൂരാന് റഷീദിന്റെ മകന് നിയാസ് (19) മൗലാന ആശുപത്രിയില് ചികിത്സയിലാണ്. കൊടികുത്തിമലയുടെ ബേസ് സ്റ്റേഷനുതാഴെ ജനവാസമേഖല തുടങ്ങുന്നിടത്തായിരുന്നു അപകടം നടന്നത്.
സ്കൂട്ടര് റോഡില് നിന്ന് ഒന്നര മീറ്ററോളം താഴ്ചയുള്ള പറമ്പിലേക്ക് വീഴുകയായിരുന്നു. തെറിച്ചുപോയ സ്കൂട്ടര് മുന്നോട്ടുനീങ്ങി ചെറുറോഡും കടന്നു. ഇറക്കം അവസാനിക്കുന്നിടത്ത് റോഡിന് വളവുണ്ട്. മുമ്പും ഇവിടെ അപകടങ്ങളുണ്ടായതായി നാട്ടുകാര്.
പെരിന്തല്മണ്ണയില് തൊഴില്മേളയില് പങ്കെടുത്ത് കൊടികുത്തിമലയില് പോയി വരുമ്പോഴായിരുന്നു അപകടം നടന്നത്. അപകടം നടന്നയുടന് നാട്ടുകാര് ഇവരെ ആശുപത്രികളിലെത്തിച്ചു. പെരിന്തല്മണ്ണ ഇ എം എസ് ആശുപത്രിയിലെത്തിക്കുമ്പോഴേക്കും അക്ഷയ് മരിച്ചു. മൗലാന ആശുപത്രിയിലെത്തിച്ചയുടന് ശ്രേയസും മരിച്ചു.
"
https://www.facebook.com/Malayalivartha
