കാറില് ചാരി നിന്നതിന് ആറുവയസുകാരനെ ചവിട്ടിവീഴ്ത്തിയ മുഹമ്മദ് ശിഹ്ഷാദിന്റെ ലൈസന്സ് റദ്ദാക്കും... എന്ഫോഴ്സ്മെന്റ് ആര്ടിഒയുടേതാണ് നടപടി , റിമാന്ഡിലായ പ്രതിയുടെ ജാമ്യാപേക്ഷ ഇന്ന് കോടതി പരിഗണനയില്
കാറില് ചാരി നിന്നതിന് ആറുവയസുകാരനെ ചവിട്ടിവീഴ്ത്തിയ മുഹമ്മദ് ശിഹ്ഷാദിന്റെ ലൈസന്സ് റദ്ദാക്കും. എന്ഫോഴ്സ്മെന്റ് ആര്ടിഒയുടേതാണ് നടപടി. കാരണം നേരിട്ട് ഹാജരായി ബോധിപ്പിക്കാനും നിര്ദേശിച്ച് നോട്ടീസ് നല്കും. തെറ്റായ ഭാഗത്ത് വാഹനം നിര്ത്തിയിട്ടത് ഉള്പ്പെടെയുള്ള കാര്യങ്ങളാണ് ആര്ടിഒയുടെ നോട്ടീസില് പറയുന്നത്.
ഇതില് ശിഹ്ഷാദിന്റെ വിശദീകരണം തൃപ്തികരം അല്ലെങ്കില് ലൈസന്സ് റദ്ദാക്കുന്നതിലേക്ക് കാര്യങ്ങള് നീക്കും. മുഹമ്മദ് ശിഹ്ഷാദ് നടത്തിയത് കുറ്റകരമായ നരഹത്യാ ശ്രമമെന്നാണ് പൊലീസ് റിമാന്ഡ് റിപ്പോര്ട്ടില് പറയുന്നത്.
ആദ്യം കുട്ടിയുടെ തലക്ക് ഇടിച്ച പ്രതി കുട്ടി കാറിന് സമീപത്ത് നിന്നും മാറാതായതോടെ കാലുകൊണ്ട് ചവിട്ടി. കുട്ടി തിരിഞ്ഞില്ലായിരുന്നെങ്കില് ചവിട്ടേറ്റ് കുട്ടിയുടെ മരണം വരെ സംഭവിക്കാമായിരുന്നുവെന്നാണ് റിമാന്ഡ് റിപ്പോര്ട്ടില് പറയുന്നു. തലശ്ശേരി ഫസ്റ്റ് ക്ലാസ് മജിസ്ട്രേറ്റ് കോടതിയില് ഹാജരാക്കിയ പ്രതിയെ 14 ദിവസത്തേക്കാണ് റിമാന്ഡ് ചെയ്തത്. തലശേരി ജുഡീഷ്യല് മജിസ്ട്രേറ്റ് കോടതി ജാമ്യാപേക്ഷ ഇന്ന് പരിഗണനയില്.
"
https://www.facebook.com/Malayalivartha
