മാലദ്വീപില് തൊഴിലാളികള് താമസിച്ചിരുന്ന ഗാരേജിലുണ്ടായ വന് തീപ്പിടിത്തത്തില് കന്യാകുമാരി സ്വദേശികളായ ദമ്പതിമാര്ക്ക് ദാരുണാന്ത്യം
![](https://www.malayalivartha.com/assets/coverphotos/w657/270736_1668218495.jpg)
മാലദ്വീപില് തൊഴിലാളികള് താമസിച്ചിരുന്ന ഗാരേജിലുണ്ടായ വന് തീപ്പിടിത്തത്തില് കന്യാകുമാരി സ്വദേശികളായ ദമ്പതിമാര് മരിച്ചു. മാര്ത്താണ്ഡം കാഞ്ഞിരോട് സ്വദേശി പൊന്നുമുത്തുവിന്റെ മകന് എഡ്വിന് ജിനില്(43), ഭാര്യ സുഗുണ(40) എന്നിവരാണ് മരിച്ചത്.
തൊഴിലാളികളുടെ താമസകേന്ദ്രത്തിലാണ് തീപിടിത്തമുണ്ടായത്. നിരവധി പേര്ക്ക് പൊള്ളലേല്ക്കുകയും ചെയ്തു. കെട്ടിടത്തിന്റെ മുകള്നിലയിലായിരുന്നു തൊഴിലാളികള് താമസിച്ചിരുന്നത്.വ്യാഴാഴ്ച രാത്രിയായിരുന്നു അപകടം നടന്നത്. ഒമ്പത് ഇന്ത്യക്കാരടക്കം പത്തുപേരാണ് മരിച്ചത്.
എഡ്വിന് ജിനില് കഴിഞ്ഞ 21 വര്ഷമായി മാലദ്വീപില് കെട്ടിടനിര്മാണ മേഖലയില് പ്രവര്ത്തിച്ചുവരികയായിരുന്നു. മൃതദേഹം നാട്ടിലെത്തിക്കാനുള്ള ശ്രമങ്ങള് നടന്നുവരികയാണ്.
"
https://www.facebook.com/Malayalivartha